歷代志上 第 14 章 - 台語漢字羅馬本

1
推羅王希蘭差使者帶柏香柴,及土水師傅、做木師傅到大衛遐欲給伊起厝。
2
大衛知耶和華定著設立伊做以色列王,閣為著伊的百姓以色列的緣故,來興起伊的國。
3
大衛佇耶路撒冷閣娶幾若個某,大衛閣生子查某子。
4
佇耶路撒冷所生諸個子的名記佇下底:沙某亞、朔罷、拿單、所羅門、
5
益轄、以利書亞、以法列、
6
羅迦、尼斐、雅非亞、
7
以利沙瑪、比利雅大、以利法列。
8
非利士人聽見大衛受抹油做以色列全國的王,非利士人就攏上來尋大衛。大衛聽見,就出去抵敵伊。
9
非利士人來,排列佇利乏音的山谷。
10
大衛問上帝,講:「我著上去攻擊非利士人嗎?你欲將交佇我的手嗎?」耶和華講:「著上去,因為我欲將交佇你的手。」
11
上來巴力毗拉心,大衛佇遐拍。大衛講:「上帝用我的手沖散我的對敵,親像水沖散一樣」;因為按呢叫彼所在做巴力毗拉心。
12
非利士人放下的上帝佇遐,大衛命令人用火燒伊。
13
非利士人閣排列佇山谷。
14
大衛閣問上帝。上帝給伊講:「呣通上去追,著閃對邊仔,佇桑材樹的對面來攻擊。
15
你聽見桑材樹尾有腳步的聲,就著出去交戰,因為上帝做你的頭前出去欲拍非利士人。」
16
大衛就遵趁上帝所吩咐,拍非利士人的軍隊,對基遍到基色。
17
大衛的名聲就報揚逐所在,耶和華互列國攏驚伊。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!