哥林多前書 第 1 章 - 台語漢字羅馬本

1
對上帝的旨意,受召做耶穌基督的使徒保羅,及兄弟所提尼,
2
批寄互上帝的教會佇哥林多的,就是佇基督耶穌成聖、受召做聖徒,以及見若逐所在求叫咱的主耶穌基督的名的。主是的,也是咱的。
3
願恁對咱的父上帝及主耶穌基督得著恩典、平安。
4
我常常替恁感謝我的上帝,是為著上帝的恩典佇耶穌基督曾賞賜恁的;
5
因為恁佇伊逐項代誌富足,口才、智識無呣齊備,
6
親像基督的干證,得著堅固佇恁的中間,
7
致到恁佇諸個恩賜無一項無夠額,來聽候咱的主耶穌基督的顯現。
8
伊也欲堅固恁到路尾,佇咱的主耶穌基督的日無通嫌。
9
上帝是信實,恁對伊受召,來及伊的子──咱的主耶穌基督結聯。
10
兄弟啊,今我對咱的主耶穌基督的名勸恁議論攏著相同。恁中間莫得有分黨,就是著一心一意,大家相契合。
11
我的兄弟啊,是革來氏家內的人曾給我講,恁中間有相爭。
12
我的意思是恁逐人有講:「我屬保羅」;「我屬亞波羅」;「我屬磯法」;「我屬基督」。
13
基督豈有分開嗎?保羅豈替恁釘十字架嗎?抑是恁曾受洗禮歸佇保羅的名嗎?
14
感謝上帝,佇基利司布、該猶以外,我未曾給恁一人行洗禮,
15
免得人講,恁受洗禮歸佇我的名。
16
我也給司提反阿一家的人行洗禮,其餘有給別人行洗禮抑無,我卻記得。
17
因為基督差我,呣是欲行洗禮是欲傳福音,不在言語的智慧,驚了基督的十字架歸佇空空。
18
因為十字架的道理,沈淪的人看做戇;咱得救的人,看做上帝的權能。
19
因為有記載講:我欲滅無智慧的人的智慧,也欲棄拺聰明的人的聰明。
20
智慧的人佇叨落?經學士佇叨落?此世間好辯論的人佇叨落?上帝豈呣是互世間的智慧變成戇?
21
因為世間既然對的智慧,呣識上帝,上帝就歡喜對所宣傳的戇來救諸個信的人,這攏是上帝的智慧。
22
因為猶太人求神蹟,希利尼人尋智慧,
23
若是阮傳釘十字架的基督,對佇猶太人是塞礙,對佇外邦人是愚戇;
24
若是對佇受召的,無論猶太、希利尼,基督做上帝的權能,上帝的智慧。
25
因為上帝的愚戇比人卡智慧,上帝的軟弱比人卡勇壯。
26
兄弟啊,試看恁的受召,照肉體有智慧的無偌多,有權力的無偌多,有尊貴的也無偌多。
27
若是上帝揀世間的戇的,來互智慧的人見誚;上帝也揀世間的軟弱的,來互勇壯的見誚。
28
上帝也揀世間卑賤的,人看呣上目的,以及許個無的,來廢無許個有的,
29
互見若有肉體的,佇上帝的面前無通誇口。
30
若是恁對上帝得著佇基督耶穌,伊對上帝替咱成做智慧、閣做義、成聖,以及贖回。
31
致到照所記載講:「誇口的人,著用主來誇口。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!