哥林多前書 第 8 章 - 台語漢字羅馬本

1
論到祭偶像的物,咱知咱攏有智識。智識會致到自高,若是仁愛會建立德行。
2
人若拍算伊有所知,就是伊猶未知照所應該知。
3
人若疼上帝,此個人就是互伊所識。
4
論到食祭偶像的物,咱知偶像佇世間是無影的,也知上帝獨獨一個,無別個。
5
因為雖然有稱做上帝的,或是佇天裡,或是佇地裡,親像有多多上帝,多多主;
6
若是咱只有一個上帝,就是父──萬物本對伊;咱也歸佇伊──閣有一個主,耶穌基督──萬物對伊;咱也對伊。
7
總是人無攏有此號智識。有的拜偶像慣勢,到今掠彼個祭祀做祭偶像的物來食伊。的良心既然軟弱,所以就染著。
8
總是食物互上帝歡喜咱,無食,咱無虧損,食,咱也無利益。
9
獨獨著謹慎,驚了恁此個權做軟茈的人的塞礙。
10
因為若有人看見你有智識的,坐桌佇偶像的廟,彼個軟弱的人的良心,豈無對按呢放膽來食祭偶像的物嗎?
11
因為,對你的智識彼個軟弱的人沈淪,就是基督替伊死的兄弟。
12
恁按呢得罪兄弟,傷著軟弱的良心,就是得罪基督。
13
所以,食物若互我的兄弟跋倒,我就永永呣食肉,免得互我的兄弟跋倒。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!