列王記上 第 9 章 - 台語漢字羅馬本

1
所羅門已經起耶和華的殿及王宮,及所羅門一切所愛做的攏明白,
2
耶和華第二擺對所羅門顯現,親像前佇基遍對伊顯現一樣,
3
耶和華對伊講:「你佇我的面前所祈禱懇求的,我攏有聽見。我已經將你所起此間殿分別做聖,互我的名永遠佇遐;我的目睭、我的心也欲常常佇遐。
4
論到你若誠實心,閣正直行佇我的面前,親像你的父大衛所行的,遵趁我一切所命令你的,執守我的律例,我的法度,
5
我就欲堅固你的國位佇以色列中,到永遠,親像我應允你的父大衛講:『你的後裔坐以色列的國位永無斷。』
6
設使恁抑是恁的子孫越轉無隨我,無守我賞賜恁的誡命律例,去服事別個上帝來敬拜伊,
7
我就欲對我賞賜的地剪除以色列,閣我為家己的名所分別做聖此間殿也欲對我的面前棄拺伊,互以色列人佇萬國中做話柄,受譏刺。
8
此間殿雖然真高,將來經過的人欲卬愕、恥笑,講:『耶和華啥事按呢款待此個地此間殿啊?』
9
就欲應講:『是因為棄拺耶和華──的上帝就是導的列祖出埃及地的,去結聯別個上帝,服事敬拜伊,所以耶和華互這一切的災禍臨到。』」
10
到二十年尾,就是所羅門起耶和華的殿及王宮,此二間厝完工的時。
11
所羅門王就將加利利地二十個城互希蘭;是推羅王希蘭曾照所羅門一切所愛的,用柏香柴、松柴,及金互伊。
12
希蘭對推羅出來,看所羅門所互伊的城,看了無合意,
13
就講:「我的兄啊,你所互我許個城是甚麼?」伊就叫伊迦步勒的地,到今仔日。
14
希蘭就寄金一百二十他連得互王。
15
所羅門王派人工的因端就是按呢,是欲起耶和華的殿、家己的王宮、及米羅、耶路撒冷的城牆、及夏瑣、米吉多,及基色。
16
前埃及王法老上來取基色,用火燒伊,死城內徛起的迦南人,將城互伊的查某子所羅門的某做嫁妝。
17
所羅門起基色、及下面的伯和崙、
18
及巴拉,及國內曠野裡的達莫,
19
及所羅門所有府庫的城,及下車的城及馬兵的城,及所羅門佇耶路撒冷、佇黎巴嫩,及佇伊所治理的全地,為家己的快樂所愛起的攏起伊。
20
論到所剩的百姓亞摩利人、赫人、比利洗人、希未人、耶布斯人,呣是屬佇以色列的,
21
就是佇此地方所剩的後裔,以色列人會一盡滅者,所羅門派做苦工,到今仔日。
22
總是以色列人,所羅門無互做奴僕,是做伊的戰士、人臣、首領、軍長、車長、馬兵長。
23
所羅門督工的頭人共五百五十人,管理做工的百姓。
24
法老的查某子對大衛的城上去所羅門所給伊起的厝。彼時,所羅門起米羅。
25
所羅門逐年三擺佇伊給耶和華所起的壇獻燒祭及謝恩祭,閣佇耶和華的面前燒香佇壇頂。對按呢,伊起殿的工明白。
26
所羅門王佇以東地紅海邊,倚近以祿的以旬迦別造一陣的船隻。
27
希蘭差伊的奴僕,就是知影過海的行船人,及所羅門的奴僕像船去。
28
到俄斐,對遐得著四百二十他連得的金,運到所羅門王遐。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!