撒母耳記上 第 10 章 - 台語漢字羅馬本

1
撒母耳提一瓶油倒佇掃羅的頭殼,給伊唚,講:「這豈呣是耶和華抹你做伊的業的頭人嗎?
2
今仔日你離開我了後,佇便雅憫交界的泄撒,近拉結的墓,欲抵著二人。欲給你講:『你去尋許個驢母已經尋著。今你的老父無掛慮驢,是煩惱你,講:我為著我的子欲怎樣啊?』
3
你欲對遐去,到他泊的橡樹遐,欲有三人抵著你,是欲去伯特利到上帝遐:一個帶三隻山羊仔,一個帶三個餅,一個帶一皮袋的酒。
4
欲問你平安,用二個餅互你,你就對的手接來。
5
此霎了後你欲到上帝的山,佇遐有非利士人防守的兵。你到城的時,欲抵著一陣先知對高的所在落來,佇的頭前有瑟,有鈴瓏鼓、有笛仔、有琴,攏講先知話。
6
耶和華的神欲大大臨到你,你也欲及講先知話;你欲變做新的人。
7
諸個兆頭臨到你,你著趁機會來做,因為上帝及你佇。
8
你著代先我落去吉甲,我也欲落去你遐獻燒祭及謝恩祭。你著聽候七日,聽候我到你遐,指示你著行的事。」
9
伊越轉身欲離開撒母耳,上帝換新伊的心。當彼日諸個兆頭攏應驗。
10
已經到彼個山,有一陣先知人抵著伊,上帝的神大大臨到掃羅,伊就佇中間講先知話。
11
平素識伊的人,看伊佇先知中講先知話,就相及講:「基士的子抵著按呢是怎樣?掃羅也列佇先知中嗎?」
12
彼所在有一人應講:「許個人的老父是是誰啊?」對按呢有一句俗語講:「掃羅也列佇先知中嗎?」
13
掃羅講先知話明白,就上去高的所在。
14
掃羅的叔問掃羅及伊的奴僕講:「恁去叨落?」應講:「去尋驢母。尋伊無,就去撒母耳遐。」
15
掃羅的叔講:「請你給我講,撒母耳給恁講甚麼。」
16
掃羅給伊的叔講:「伊明明給阮講驢母已經尋著啦。」論到撒母耳所講國的事,伊無給伊講。
17
撒母耳招集百姓到米斯巴耶和華遐,
18
給以色列人講:「耶和華──以色列的上帝按呢講:『我導以色列出埃及,救恁脫離埃及人的手,也脫離攏總許個制壓恁國的手。』
19
總是恁今仔日有棄拺恁的上帝,就是本身救恁脫離一切患難艱苦的,恁也對伊講:『著設立王管理阮。』今恁著照恁的支派,恁的宗族來徛佇耶和華的面前。」
20
對按呢,撒母耳互以色列眾支派近前來,就取著便雅憫的支派;
21
閣互便雅憫支派照的宗族近前來,就取著瑪特利族,對彼中間閣取著基士的子掃羅。人尋伊也尋著,
22
所以就閣問耶和華講:「彼人有來遮抑未?」耶和華講:「伊匿佇雜物的中間。」
23
就走去對遐導伊出來。伊徛佇百姓的中間,比眾百姓卡高一個頭殼。
24
撒母耳給眾百姓講:「耶和華所揀的人,佇百姓中無一個會比得伊,恁看見嗎?」眾百姓就大聲叫講:「願王萬歲!」
25
撒母耳將國法對百姓講明,閣記佇冊裡,下佇耶和華的面前,然後撒母耳四散眾人,逐個倒去的家。
26
掃羅也倒去基比亞到伊的家,有一陣人互上帝感動伊的心的隨伊去。
27
許個匪類講:「此人豈會救咱啊?」就藐視掃羅,無送伊禮物;總是掃羅靜靜。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!