撒母耳記上 第 17 章 - 台語漢字羅馬本

1
非利士人聚集的軍兵,欲交戰;聚集佇屬猶大的梭哥,紮營佇以弗大憫,佇梭哥及亞西加的中間。
2
掃羅及以色列人也聚集,紮營佇以拉的山谷,排隊伍,抵敵非利士人。
3
非利士人徛佇此旁的山,以色列人徛佇彼旁的山,中間有山谷。
4
對非利士的營中有一個戰將出來,名叫歌利亞,是迦特人,身軀高六肘閣一 ;
5
頭戴銅盔,身穿有鱗的戰甲,伊的戰甲的銅有五千舍客勒的重;
6
大腿穿銅裙,肩頭中背銅的戟;
7
槍柄大親像布機的軸心,槍尾的鐵有六百舍客勒的重。有一個涫盾牌的行佇伊的頭前。
8
伊徛對以色列的軍隊喝,給講:「恁出來排隊伍欲啥事啊?我豈呣是非利士人,恁豈呣是掃羅的奴僕嗎?恁中間揀一人,互伊落來我遮。
9
伊若會及我相,死我,阮就欲做恁的奴才;我若卡贏伊,死伊,恁就欲做阮的奴才,服事阮。」
10
彼個非利士人閣講:「我今仔日藐視以色列諸個軍隊。恁叫一人出來,及我相。」
11
掃羅及以色列眾人聽見非利士人諸個話,就真,真驚。
12
大衛是猶大、伯利恆的以法他人耶西的子。耶西有八個子。當掃羅的時,耶西年歲多佇人的中間算是老人。
13
耶西許個子三個卡序大的隨掃羅去出征。去出征彼三個子:大的名以利押,第二亞比拿達,第三個沙瑪。
14
大衛是第一細的;彼三個卡序大的跟隨掃羅。
15
大衛往來佇掃羅的所在,佇伯利恆飼伊的老父的羊。
16
彼個非利士人早暗出來徛展,歷過四十日。
17
耶西給伊的子大衛講:「你著給你許個兄帶烘的五穀一伊法及此十個餅,緊緊去軍營,互你許個兄;
18
閣帶此十個牛奶餅,送互的千總,閣問你的兄平安無,帶伊的證據來。」
19
掃羅及大衛三個兄及以色列眾人,佇以拉的山谷及非利士人交戰。
20
大衛透早起來,用羊群放交一個顧守的人,照耶西所命令伊的,帶食物去。到排列車的所在,軍兵抵仔出去到戰場,喝欲交戰。
21
以色列人及非利士人攏排列隊伍,兩旁的軍隊相對。
22
大衛用物件交代顧物件的人的手,走到戰場,請安伊的兄。
23
及講話的時,看啊,彼個戰將,就是迦特的非利士人,名歌利亞,對非利士的隊伍出來,照前所講的來講;大衛聽見。
24
以色列眾人看見彼人,就走閃伊,盡在驚。
25
以色列人講:「此個上來的人,你有看見嗎?伊上來是欲藐視以色列。若有人會死伊,王欲互伊大好額,將伊的查某子嫁伊,閣互伊老父一家佇以色列中免納稅當差。」
26
大衛問徛佇伊身邊許個人:「有人死此個非利士人,洗除以色列的見誚,欲怎樣款待伊啊?此個無受割禮的非利士人是是誰?敢藐視永活上帝的軍隊嗎?」
27
百姓照前的話應伊講:「若有人會死此人,欲按呢款待伊。」
28
大衛的大兄以利押聽見伊及人講話,以利押受氣大衛,講:「你啥事落來遮?彼幾隻羊佇曠野裡,你放交是誰啊?我知你驕傲及你心內的歹,你落來不過是欲看交戰!」
29
大衛講:「我有做甚麼?豈是無因端嗎?」
30
大衛就離開伊去向別人,照前的話問;百姓照前的話來應伊。
31
大衛所講的話已經互人聽見,就講佇掃羅的面前;掃羅就差人叫伊來。
32
大衛給掃羅講:「人呣免為著彼人來失膽。你的奴僕欲去及彼個非利士人交戰。」
33
掃羅對大衛講:「你會去抵敵此個非利士人及伊交戰;因為你的年歲猶久少,伊對少年就學習戰事。」
34
大衛給掃羅講:「你的奴僕給老父顧羊的時,有獅抑是熊來,對羊群中咬羊仔去。
35
我就伊,拍伊,救羊仔出伊的嘴。伊起來欲共我,我就伊的嘴下斗,拍死伊。
36
你的奴僕曾拍死獅及熊,此個無受割禮的非利士人,也欲親像的一隻,因為伊藐視永活上帝的軍隊。」
37
大衛閣講:「耶和華救我脫離獅的爪及熊的爪,伊也欲救我脫離此個非利士人的手。」掃羅給大衛講:「你去啊,耶和華欲及你佇。」
38
掃羅就用伊的軍服互大衛穿,用銅的頭盔互伊戴,閣互伊穿戰甲。
39
大衛用刀縖佇軍服,試行看唧;因為呣曾穿著,大衛給掃羅講:「穿諸個我行去,因為呣曾穿著。」
40
大衛就褪起來。伊手抬枴仔,閣佇山坑仔揀五塊光滑的石卵,下佇袋仔,就是顧羊的人所帶的囊;手提甩石的索仔,就行倚彼個非利士人。
41
彼個非利士人也愈行倚大衛, 牌的行佇伊的頭前。
42
彼個非利士人抬起來看,看見大衛,就看輕伊;因為伊少歲,色緻赤,面貌好看。
43
彼個非利士人給大衛講:「我豈是狗嗎,你才抬枴仔來我遮?」非利士人就指家己的上帝咒詛大衛。
44
彼個非利士人閣給大衛講:「你來我遮,我欲用你的肉互空中的飛鳥及田野的野獸。」
45
大衛對彼個非利士人講:「你來倚近我,是用刀用槍用戟;我來倚近你,是用萬軍耶和華的名,以色列軍隊的上帝就是你所藐視者。
46
今仔日耶和華欲將你交佇我的手。我欲拍死你,你的頭殼,今仔日我欲將非利士軍兵的身屍互空中的飛鳥、地上的野獸,互普天下的人攏知以色列有上帝;
47
閣互諸個歸群的人知耶和華救人,呣是用刀也呣是用槍,因為交戰的事在佇耶和華。伊欲將恁交佇阮的手。」
48
彼個非利士人起來,進前近倚欲接大衛。大衛也趕緊走去,向軍隊欲接非利士人。
49
大衛伸手入袋仔內提一塊石仔出來,用索甩去,射著非利士人的頭額,石仔沈入頭額,伊就倒落去,面仆佇地裡。
50
按呢,大衛用甩索及石仔,卡贏非利士人,拍死伊;總是大衛的手無刀。
51
大衛緊緊走去,徛佇彼個非利士人的頂面,將伊的刀拔出鞘,用彼支死伊,斬伊的頭殼。非利士眾人看見的勇士已經死,就走。
52
以色列人及猶大人就起來喝喊,追非利士人,到迦特及以革倫的城門。著傷的非利士人倒佇沙拉音的路,直到迦特及以革倫。
53
以色列人追非利士人倒轉來,就搶的營盤。
54
大衛將彼個非利士人的頭殼帶到耶路撒冷,閣用伊的軍器下佇家己的布棚。
55
掃羅看見大衛去拍非利士人的時,就問軍長押尼珥講:「押尼珥啊,彼個少年人是是誰的子?」押尼珥講:「我指王的活命來咒誓,我呣知。」
56
王講:「你去問看彼個囝仔是是誰的子。」
57
大衛拍死非利士人倒來,押尼珥導伊來掃羅的面前,伊的手裡有非利士人的頭殼。
58
掃羅問伊講:「少年人啊,你是甚麼人的子?」大衛講:「我是你的奴僕伯利恆人耶西的子。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!