撒母耳記上 第 31 章 - 台語漢字羅馬本

1
非利士人及以色列人交戰。以色列人佇非利士人的面前逃走,受傷來死倒佇基利波山。
2
非利士人倚掃羅及伊的子,非利士人就死掃羅的子約拿單、亞比拿達、麥基舒亞。
3
彼個交戰攻擊掃羅真傷重,射箭的人著伊,伊互射箭的人迫伊真慘,
4
掃羅給抬伊的軍器的人講:「拔你的刀,給我鑿過去,驚了諸個無受割禮的人來鑿死我,來凌辱我。」抬伊的軍器的人無欲,因為伊真驚;掃羅就抬伊的刀扼佇彼頂面。
5
抬伊的軍器的看見掃羅已經死,伊也扼佇刀裡及伊相及死。
6
掃羅及伊三個子,及抬伊的軍器的人,以及攏總隨伊的人,同一日做一下死。
7
對按呢佇山谷彼旁及佇約但河彼旁的以色列人,看見以色列人已經逃走,掃羅及伊許個子也攏死,就棄拺許個城逃走。非利士人續來踮遐徛起。
8
隔日,非利士人來縛許個受死的人,尋著掃羅及伊三個子死佇基利波山,
9
就割斷伊的頭殼,褪伊的戰甲,差人到非利士地的四境,遍傳佇許個偶像的廟及百姓的中間;
10
閣將伊的戰甲下佇亞斯他錄的廟內,將伊的身屍釘佇伯珊的城牆頂。
11
基列雅比徛起的百姓聽見非利士人所行佇掃羅的事,
12
許個勇士攏起來,通暝行,將掃羅的身屍及伊許個子的身屍對伯珊的城牆取落來,帶到雅比,佇遐燒伊;
13
將的骨埋葬佇雅比的垂絲柳樹腳,禁食七日。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!