撒母耳記上 第 4 章 - 台語漢字羅馬本

1
以色列人出去欲及非利士人交戰,紮營近佇以便以謝;非利士人紮營佇亞弗。
2
非利士人排陣攻擊以色列人。交戰的時,以色列人輸佇非利士人的面前;非利士人佇平洋死的軍兵約略四千人。
3
百姓倒來到營內,以色列的長老講:「耶和華今仔日啥事互咱輸佇非利士人的面前啊?咱呣值著扛耶和華的約櫃對示羅來咱遮,互伊佇咱中間通救咱脫離咱的對敵的手。」
4
百姓就差人到示羅,對遐扛坐佇兵的中間萬軍的耶和華的約櫃來。以利二個子何弗尼、非尼哈及上帝的約櫃佇遐。
5
耶和華的約櫃到營中,以色列眾人就大聲喝,地續會應聲。
6
非利士人聽見大聲喝的聲音,就講:「佇希伯來的營按呢大聲喝,是甚麼緣故?」後來就知耶和華的約櫃到營中。
7
非利士人就驚惶,講:「有上帝到的營中」;閣講:「咱有災禍啦!平素呣曾有此個事。
8
咱有災禍啦!是誰會救咱脫離諸個大權能的上帝的手啊?前佇曠野用逐樣的災禍拍埃及人的,就是諸個上帝。
9
非利士人啊,恁著勇敢,著做大丈夫,免得恁服事希伯來人,親像服事恁一樣。恁著做大丈夫,及交戰。」
10
非利士人就交戰,以色列人輸,逐個走倒去的布棚,死真多,以色列的步兵死三萬人。
11
上帝的約櫃互搶去,以利二個子何弗尼、非尼哈也死。
12
有一個便雅憫人對戰陣走來,衫拆裂,頭殼摻土粉,像彼日到示羅。
13
伊到的時,抵當以利佇路邊坐佇伊的位瞭望,因為伊的心為著上帝的約櫃來掛慮。彼人入城報消息,通城的人就攏喉叫。
14
以利聽見喉叫的聲就問講:此個嘩嘩哮的聲是甚麼緣故啊?」彼人趕緊來報以利。
15
彼時以利九十八歲,目睭柴柴,會看見。
16
彼人給以利講:「我是對戰陣來的,今仔日我對戰陣走來。」以利講:「我的子啊,代誌怎樣?」
17
報消息的應講:「以色列人佇非利士人的面前逃走,百姓中受的不止多!你二個子何弗尼、非尼哈也死,上帝的約櫃續互搶去。」
18
伊一下講起上帝的櫃,以利就對伊的坐位向對後面,跋倒佇門邊頷頸折就死;因為伊年老,身體重。以利做以色列的士師四十年。
19
以利的媳婦、非尼哈的某懷孕欲到期,伊聽見上帝的櫃互人搶去,乾官及丈夫攏死的消息,就曲痀來生子,因為大痛疼忽然到;
20
欲死的時,邊頭徛許個婦仁人給伊講:「呣免驚!你生查甫囝仔啦。」總是伊無應,也無關心。
21
伊給囝仔號名以迦博,講:「榮光離開以色列!」這是因為上帝的櫃互人搶,閣因為乾官及丈夫也死。
22
伊閣講:「榮光離開以色列,因為上帝的櫃受搶。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!