撒母耳記上 第 8 章 - 台語漢字羅馬本

1
撒母耳已經老,就設立伊的子做以色列的士師。
2
伊的大子名叫約珥,第二子名叫亞比亞;佇別是巴做士師。
3
總是伊的子無行伊的路,偏私貪財,受賄賂,無照直判斷。
4
以色列的長老攏聚集,到拉瑪見撒母耳,
5
給伊講:「看啊,你已經老,你的子無行你的路。今求你給阮設立一個王判斷阮,親像列國一樣。」
6
講「求你給阮設立一個王判斷阮」彼個事撒母耳無歡喜,撒母耳就祈禱耶和華。
7
耶和華對撒母耳講:「百姓對你所講一切的話,你著趁,因為呣是棄拺你,是棄拺我,無互我做的王。
8
對我導出埃及到今仔日,一切的所行離開我,去服事別個上帝。今也照按呢款待你。
9
所以你著趁的話,總是著嚴嚴警戒,互知將來管理的王的制度是怎樣。」
10
撒母耳用耶和華的話攏給百姓講,就是許個對伊討一個王的,講:
11
「將來管理恁的王的制度就是按呢:伊欲取恁的子為家己設立伊給伊管車,做伊的馬兵,走佇車的頭前;
12
閣欲為家己設立做千總、五十夫長,也欲設立人給伊作園,收五穀,製造軍器及車裡的器具;
13
欲取恁的查某子給伊製造芳油,做煮食者做餅者;
14
恁的田園、葡萄園、橄欖園彼個上好的,伊欲取伊來互伊的奴僕。
15
恁所種作的及恁的葡萄園,伊欲取十份一互伊的太監及奴僕;
16
閣欲取恁的奴僕女婢,勇健的少年人及恁的驢,來做伊的差用。
17
恁的羊群伊欲取十份的一份,恁也欲做伊的奴僕。
18
彼時恁欲因為所揀的王來喉叫,總是耶和華佇彼時呣聽恁。」
19
總是百姓呣肯聽撒母耳的話,講:「呣啊!阮的確欲一個王治理阮,
20
互阮親像列國一樣,阮的王判斷阮,做頭導阮,替阮交戰。」
21
撒母耳已經聽見百姓攏總的話,就講許個話互耶和華聽。
22
耶和華對撒母耳講:「你著聽的話,給設立一個王。」撒母耳給以色列人講:「恁逐個倒去家己的城!」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!