歷代志下 第 25 章 - 台語漢字羅馬本

1
亞瑪謝坐位的時二十五歲,佇耶路撒冷做王共二十九年。伊的老母名叫約耶但,是耶路撒冷人。
2
亞瑪謝行耶和華所看做好的事,總是心無專一。
3
伊的國權已經堅固,就死前刺客伊的老父猶大王許個人臣,
4
總是無死的子,是照摩西律法的冊所記載耶和華命令講:「呣通因為子來死老父,也呣通因為父來死子,逐人著因為本身的罪來死。」
5
亞瑪謝聚集猶大人,照猶大及便雅憫的宗族設立千總、百總來導,閣算人額,對二十歲以上,得著過揀的兵會抬槍涫盾牌上陣的共三十萬;
6
閣用銀一百他連得,對以色列招募大能力的勇士十萬人。
7
有上帝的奴僕來見伊,講:「王啊,莫得互以色列的軍兵及你去,因為耶和華無及以色列人就是以法蓮的後裔佇。
8
你若一定欲去,就著奮勇爭戰!上帝欲互你敗佇對敵的面前;因為上帝有權會幫助人,也會捙倒人。」
9
亞瑪謝問上帝的奴僕講:「我已經用銀一百他連得互以色列的軍隊,許個欲怎樣啊?」上帝的奴僕應講:「耶和華會用比諸個卡多互你。」
10
對按呢亞瑪謝分別對以法蓮來的軍兵,互倒去兜。所以,真受氣猶大人,氣咈咈倒去兜。
11
亞瑪謝家己奮勇,導伊的百姓出去到鹽的山谷,死西珥人一萬。
12
猶大人閣活掠一萬人帶到山崁頂,對山崁頂給捙落去,致到攏碎碎。
13
亞瑪謝所差倒去許個軍隊,呣准及伊去交戰的,攻擊猶大許個城,對撒瑪利亞到伯和崙,死三千人,搶多多物。
14
亞瑪謝以東人倒來,就帶西珥族許個上帝立伊做家己的上帝,跪拜佇伊的面前燒香互伊。
15
因為按呢,耶和華大受氣亞瑪謝,就差一個先知去見伊,講:「許個百姓的上帝會救的百姓脫離你的手,你啥事求啊?」
16
伊及伊講的時,王給伊講:「阮豈設立你做王的謀士啊?你恬恬!啥事討拍啊?」先知就恬恬,閣講:「我知上帝定著意思欲滅你,因為你做此個,呣聽我的勸戒。」
17
彼時猶大王亞瑪謝參詳,差使者去見耶戶的孫、約哈斯的子、以色列王約阿施,講:「來啊,咱二人相見面佇戰場。」
18
以色列王約阿施差使者去見猶大王亞瑪謝,講:「黎巴嫩的草茦差使者去見黎巴嫩的柏香樹,講:『用你的查某子互我的子做某。』後來黎巴嫩有一隻野獸經過,睭踏彼個草茦。
19
今你講:『你已經拍贏以東』,你的心就驕,致到你誇口。你佇家內安然徛起就好,啥事起事惹災禍互你本身及猶大國相及倒壞啊?」
20
總是亞瑪謝呣肯聽。因為此個事是出佇上帝,欲將交佇對敵的手,因為尋以東許個上帝。
21
對按呢以色列王約阿施上來,佇猶大的伯示麥及猶大王亞瑪謝相見面佇戰場。
22
猶大輸佇以色列的面前,逐人走倒去的布棚。
23
以色列王約阿施佇伯示麥掠著約哈斯的孫、約阿施的子、猶大王亞瑪謝,帶伊到耶路撒冷,閣拆毀耶路撒冷的城牆,對以法蓮門到角門,共四百肘;
24
取上帝殿內俄別以東所顧守的金銀器具,及王宮的財寶,閣掠人做准當,就倒去撒瑪利亞。
25
以色列王約哈斯的子約阿施死了後,猶大王約阿施的子亞瑪謝猶活十五年。
26
亞瑪謝其餘的事,對頭到尾,豈無攏記佇猶大及以色列諸個王的記錄嗎?
27
對亞瑪謝偏離無隨耶和華了後,佇耶路撒冷有人結黨欲害伊,伊就走到拉吉;差人伊到拉吉,佇遐死伊。
28
人就用馬載伊倒來,及伊的列祖埋葬佇猶大的城。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!