歷代志下 第 5 章 - 台語漢字羅馬本

1
對按呢所羅門為著耶和華的殿所做的工攏完。所羅門將伊的老父大衛所獻許個物帶入去,伊的銀,伊的金,伊許個器具,下佇上帝殿內的府庫。
2
彼時,所羅門聚集以色列的長老、各支派的首領,及以色列人許個族長到耶路撒冷,欲將耶和華的約櫃對大衛城──就是錫安──運上來。
3
以色列眾人,就佇七月的節期攏聚集到王遐。
4
以色列諸個長老到地,許個利未人扛約櫃。
5
就扛約櫃,及會幕及布棚內一切聖的器具上來,祭司利未人攏扛伊上來。
6
所羅門王及聚集到伊遐以色列的全會,佇約櫃前獻羊牛做祭祀,多到算得,也算了。
7
祭司扛耶和華的約櫃到伊的所在入彼間厝的後殿,到至聖所,下佇兵的翅下。
8
因為兵展開的翅佇櫃的所在的頂面,兵佇彼頂面遮蓋櫃及伊的槓。
9
許個槓真長,伊的槓尾對約櫃佇後殿前通看見,佇外面就看見,到今仔日猶佇遐。
10
櫃內只有二塊石碑,就是以色列人出埃及地,耶和華及立約的時,摩西佇何烈山所下的。這以外,無別項物。
11
許個祭司出聖所,因為所佇遐的祭司攏已經家己清氣,無照的班列。
12
利未人中眾唱歌者就是亞薩、希幔、耶杜頓,及許個子許個兄弟攏穿幼苧衫,徛佇壇的東勢,提鐃鈸、及瑟、及琴,閣有祭司百二人及佇遐歕哨角,
13
許個歕哨角者、許個唱歌者一齊同聲,謳咾感謝耶和華。用伊的哨角、鐃鈸、樂器,大聲謳咾耶和華講:因為伊是好,伊的慈惠永永佇!彼時,彼個殿就是耶和華的殿,有雲充滿,
14
致到祭司為著雲的緣故會徛服事,因為耶和華的榮光充滿上帝的殿。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!