哥林多後書 第 11 章 - 台語漢字羅馬本

1

願恁容允我小可的戇，其實恁無呣容允我。

2

因為我將上帝的熱心，為著恁來熱心。因為我曾聘定恁互一個丈夫，欲將恁做貞節的在室女，獻互基督。

3

總是我驚了恁的心思敗壞，無純全清潔來向基督，親像蛇用伊的詭譎引誘夏娃一樣。

4

若有人來傳別個耶穌，阮所未曾傳的；抑是恁受著各樣的神，前所未曾受著的；抑是各樣的福音，前所未曾承受的；恁容允伊，好。

5

因為我拍算，我攏無卡輸佇許個上等的使徒。

6

我講話雖然俗俗，若是智識就呣是按呢。因為阮凡事有對恁顯明此個佇眾人中。

7

抑是我家己屈低，互恁升高，無提所費白白傳上帝的福音互恁，這豈是犯罪嗎？

8

我搶別個教會，提的束脩來服事恁。

9

我及恁佇的時用無夠，未曾連累著恁一人；因為對馬其頓來的兄弟補足我的欠缺。我凡事家己守，無拖倕恁，後來也欲家己守。

10

基督的真實既然佇我，就佇亞該亞諸個地方無人會阻止我此號的誇口。

11

是甚麼緣故？是我無疼恁嗎？上帝知啦。

12

總是我所行的，猶原欲行伊，欲絕斷許個尋機會的人的機會，互佇所誇口的究竟及阮無各樣。

13

因為彼號人是假使徒，行代誌奸詐，家己妝做基督的使徒。

14

這也無奇怪，因為撒但也家己妝做光明的天使。

15

所以伊的差用家己，妝親像義的差用，這也呣是大事。的結局欲照的所行。

16

我閣講，人呣通看我做戇。總是若按呢，就著猶原接納我親像戇，互我也通略略仔誇口。

17

我今所講的呣是照主來講，是親像戇大膽來誇口；

18

既然有多多人照肉體來誇口，就我也欲誇口。

19

恁既然是智識的人，就歡喜容允戇的人。

20

設使有人款待恁做奴僕，吞咬恁，掠恁，自高，搧恁的面，恁就容允伊。

21

我講按呢是無體面，那親像阮前是軟茈。總是，人佇甚麼代誌好膽，我也好膽。（我講此句是戇話。）

22

是希伯來人嗎？我也是。是以色列人嗎？我也是。是亞伯拉罕的後裔嗎？我也是。

23

是基督的差用嗎？我閣卡是。（我親像狂講，）我著磨猶卡多，關落監也卡多，受拍到算得，多多擺險險死。

24

我互猶太人拍五擺，每擺四十下減一下；

25

三擺受枴仔拍；一擺受著石頭擲；三擺抵著船破，一日一暝佇深海。

26

常常勒路，抵著江河的危險、賊馬的危險、本族的危險、外邦的危險、城內的危險、曠野的危險、海面的危險、假兄弟的危險。

27

受勞碌、及艱苦，沓沓無睏，枵掛嘴乾，沓沓無食，寒掛褪腹裼。

28

除去諸個外事，猶有一項逐日壓我，就是替眾教會掛慮。

29

是誰軟弱，也我無續軟弱啊？是誰著觸，也我的心無親像火啊？

30

我若不得不著誇口，就欲誇口關係我軟弱的事。

31

主耶穌的上帝也是伊的父，永遠通謳咾的知我無白賊。

32

佇大馬色亞哩達王所設的地方官把守大馬色人的城，欲掠我，

33

若是我對窗仔，用筐，對城牆互人縋落去，脫離伊的手。