列王記下 第 5 章 - 台語漢字羅馬本

1
亞蘭王的軍長乃縵佇伊的主人的面前做大做尊貴,因為耶和華曾用伊互亞蘭得勝;伊也是大權能的勇士,總是癩。
2
前亞蘭人歸陣出去,對以色列地掠一個查某囝仔,伊就伺候乃縵的某。
3
伊給伊的主母講:「苦得著我的主及撒瑪利亞的先知相及佇,伊的確會醫好伊的癩
4
有人入去給伊的主講,屬以色列地的查某囝仔按呢按呢講。
5
亞蘭王講:「你去啊,我也欲寄一張批互以色列王。」乃縵就去,帶銀十他連得,金六千,衣裳十套;
6
帶批到以色列王遐,批內講:「批到你遐的時,看啊,我差人臣乃縵去見你,你著醫好伊的癩。」
7
以色列王看批了,就拆裂伊的衫,講:「我豈是上帝,互人死,互人活嗎?此人竟然差人來我遮,教我醫好伊的癩。請恁斟酌想,看此人怎樣尋縫攻擊我?」
8
上帝的奴僕以利沙聽見以色列王拆裂伊的衫,就差人去見王,講:「你啥事拆裂衫啊?通互彼人到我遮,伊才知以色列中有先知。」
9
乃縵就及伊的馬伊的車來徛佇以利沙的厝門口。
10
以利沙差一個使者,給乃縵講:「你去約但河洗身軀七擺,你的肉就復原,你欲得著清氣。」
11
乃縵就受氣退去,講:「我本拍算伊的確欲出來見我,徛求叫耶和華──伊的上帝的名,搖手佇患著的所在,來醫好癩的。
12
大馬色的河亞罷拿及法珥法豈無比以色列一切的水卡好嗎?我佇遐洗身軀得著清氣嗎?」就越轉身受氣做伊去。
13
伊的奴僕進前,給伊講:「我的父啊,先知若教你去做一件大事,你豈無欲做嗎?何況伊干單給你講洗就清氣啊?」
14
乃縵就落去,照上帝奴僕的話,佇約但河洗七擺;伊的肉復原,親像囝仔肉,伊就清氣。
15
伊及一切隨伊的人,倒轉來上帝的奴僕遐,徛佇伊的面前講:「看啊,我今知,除以色列以外,普天下無有上帝。今求你收你的奴僕的禮物。」
16
伊講:「我指永活的耶和華就是我徛佇伊的面前的來咒誓,我的確呣收。」伊強迫伊收,伊決斷呣。
17
乃縵講:「若呣,求你將二隻騾所會載的土互你的奴僕。因為對今以後,你的奴僕無閣用燒祭抑是別號的祭互別個上帝,只有獻互耶和華。
18
獨獨有一項事,願耶和華赦免你的奴僕:就是我的主入臨門的廟佇遐敬拜,倚著我的手的時,閣我佇臨門的廟俯腰,就是我佇臨門的廟俯腰的時,願耶和華佇這此件事赦免你的奴僕。」
19
伊就給伊講:「你通平安去!」伊就離開伊去;行一站仔,
20
上帝的奴僕以利沙的差用基哈西心內講:「我的主人體貼此個亞蘭人乃縵,無欲對伊的手收伊所帶來的,我指永活的耶和華來講,我欲走去伊,對伊提淡薄。」
21
基哈西就去乃縵的後面。乃縵看見有人走來伊,就落車迎接伊,講:「攏平安嗎?」
22
講,「攏平安。我的主差我來講:『抵即有二個少年人,是先知的學生,對以法蓮山地來見我,請你用銀一他連得,衣裳二套互伊』。」
23
乃縵講:「呣通推,請收二他連得」;強迫伊,就將二他連得銀裝佇二個布袋,及二套衣裳交伊二個奴僕;二個奴僕背伊,行佇伊的頭前。
24
到山裡的時,基哈西對的手接來,下佇厝內,差去,就去。
25
伊就入去,徛佇伊的主人的面前。以利沙問伊講:「基哈西,你對叨落來?」伊應伊講:「你的奴僕無去叨落。」
26
以利沙給伊講:「彼人落車倒轉來迎接你的時,我的心豈無及你去嗎?這豈是受銀、受衣裳、橄欖園、葡萄園、牛、羊、奴僕、女婢的時嗎?
27
對按呢乃縵的癩欲傳互你及你的後裔,直到永遠。」基哈西對以利沙的面前退出去,就起癩,白親像雪。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!