列王記下 第 7 章 - 台語漢字羅馬本

1
以利沙講:「恁著聽耶和華的話,耶和華按呢講:明仔日約略到此時,佇撒瑪利亞的城門口,一細亞的幼麵粉值銀一舍客勒,二細亞大麥值銀一舍客勒。」
2
有一個軍長是王倚伊的手者,應上帝的奴僕講:「設使耶和華對天開窗仔,豈會按呢嗎?」以利沙講:「你欲親目看,總是食著。」
3
佇城門遐有四個癩的,相及講:「咱啥事坐佇遮聽候死啊?
4
咱若講,入城去!城內有飢荒,咱欲死佇遐;若定定坐佇遮,也是著死。來啦,咱來去投降亞蘭的軍隊,若留咱的活命,咱就會活;若死咱,根抵也是死!」
5
黃昏的時,起來欲去亞蘭人的營;已經到亞蘭人的營的邊角,看啊,無一人佇遐。
6
因為主互亞蘭的軍隊聽見車的聲、馬的聲,就是大軍隊的聲;就相及講:「看啊,這是以色列王買好赫人諸個王及埃及人諸個王,來攻擊咱。」
7
所以,佇黃昏的時起來逃走,放拺的布棚、的馬、的驢,營盤照舊,走去保生命。
8
許個癩的到營的邊角,入一個布棚,也食也飲,對遐提金銀及衣裳去收囥;閣來閣入一個布棚,對遐提出財物去收囥。
9
彼時,相及講:「咱所做的呣好!今仔日是有好消息的日,也咱靜靜!若聽候到天光,咱著受罪。來啊,咱著去報王家知。」
10
就去叫顧城門的,給講:「阮到亞蘭人的營,看見無一人佇遐,也無人的聲說,只有馬縛、驢縛,布棚攏照舊。」
11
伊就去叫許個顧門者,就去報王家知。
12
王透暝起來,給伊的人臣講:「亞蘭人對佇咱所做的我給恁講。知咱枵餓,所以出營盤,埋伏佇田野,講:『出城的時,咱就活活掠,來得著入的城。』」
13
伊的人臣有一個應王講:「猶剩的馬,就是猶留佇城內的,求你差人牽五隻來(看啊,馬親像以色列眾人所留佇城內的,看啊,馬親像以色列眾人受滅的),咱通差人去看伊。」
14
就取二張車及馬,王差人去亞蘭的軍兵,講:「恁去看覓咧。」
15
就追到約但,看見滿路攏是亞蘭人緊走的時所擲的衣服器具,使者就倒來回覆王。
16
百姓就出去,搶亞蘭人的營盤。對按呢一細亞的幼麵粉值銀一舍客勒,二細亞大麥也值銀一舍客勒,照耶和華所講的。
17
王派伊所倚手彼個軍長管理城門,百姓佇城門睭踏伊,伊就死,照上帝的奴僕所講的,就是王落來見伊的時所講的。
18
閣上帝的奴僕所對王講的:「明仔日約略到此時,佇撒瑪利亞的城門口,二細亞大麥值銀一舍客勒,一細亞的幼麵粉值銀一舍客勒。」
19
閣彼個軍長對上帝的奴僕講:「設使耶和華對天開窗仔,豈會按呢嗎?」上帝的奴僕講:「你欲親目看見,總是食著。」
20
此個話果然應驗佇伊的身上;因為百姓佇城門口睭踏伊,伊就死。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!