帖撒羅尼迦後書 第 2 章 - 台語漢字羅馬本

1
兄弟啊,論到咱的主耶穌基督的臨到,及咱諸個聚集歸伊,阮求恁:無論對神、抑是對話,抑是對批假冒阮的名的,講主的日現在到啦,
2
恁的心志莫得快快搖動,也莫得驚惶。
3
無論用甚麼法,一概莫得互人引誘;因為彼日猶未到,的確代先有背教的事,及彼個罪惡的人,就是沈淪的人,出現。
4
伊是做對敵,也自高,過一切稱做上帝及受敬拜的,甚至坐佇上帝的殿,表明做上帝。
5
我猶及恁佇的時,曾將諸個事給恁講,恁豈記得嗎?
6
今彼個阻擋伊,互伊到伊的期才出現的,恁也知。
7
因為不法的秘密已經運動,獨獨現今有一個阻擋伊的,直到彼個阻擋的對中央除去,
8
彼時彼個不法的欲出現。主耶穌欲用伊的口氣來滅伊,用伊臨到的顯現來廢無伊。
9
彼個不法的臨到,是照撒但的運行,用一切的權能、神蹟,及假的兆頭,
10
閣用一切不義的詭譎行佇許個沈淪的;因為無接納真理的疼,來得救。
11
為著按呢,上帝將差謬的運行降互,互信白賊,
12
互見若呣信真理、去歡喜不義者攏受擬斷。
13
若是主所疼的兄弟啊,阮應該替恁常常感謝上帝;因為上帝對起頭揀恁,欲互恁得救,是在佇神的成聖,及信真理。
14
為著此個,伊對阮所傳的福音曾召恁,來得著咱的主耶穌基督的榮光。
15
所以,兄弟啊,著徛在,恁所得著的傳授,無論是對嘴講的,抑是對阮的批,凡所學習的,著執守伊。
16
咱的主耶穌基督及咱的父上帝,就是疼咱、也佇恩典將永遠的安慰及好的向望賞賜咱者,
17
願伊安慰恁的心,堅固恁佇一切好的所行好的所講。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!