使徒行傳 第 1 章 - 台語漢字羅馬本

1
提阿非羅啊,我已經將耶穌對起頭所行所教示的,
2
直到伊託仗聖神命令所揀的使徒了後,受接接上天的日,逐項記載佇前的冊。
3
伊受害了後,曾用多多憑據,佇四十日的中間,出現互使徒看見,來顯明伊家己是活,續講論上帝國的事。
4
伊及聚集的時,命令,講:「呣通離開耶路撒冷,著聽候父所應允的,就是恁曾對我聽見的。
5
因為約翰用水行洗禮,獨獨恁閣無幾日,欲佇聖神受洗。」
6
按呢聚集的時,問伊講:「主啊,你佇此時欲將國復倒互以色列嗎?」
7
伊就給講:「父所下佇伊家己權內的時及期,呣是恁所通知。
8
獨獨聖神臨到恁的時,恁欲得著才能,閣佇耶路撒冷、遍猶太,及撒瑪利亞,直到地極,欲做我的干證。」
9
諸個話講了,看的時,耶穌受舉起上天,有雲接接伊,就看見。
10
伊去的時,向天注目看,忽然有二人穿白衫,徛佇身邊,
11
講:「加利利人啊,啥事徛看天?此個耶穌離別恁受接接上天,恁看伊按呢上天,伊亦欲照按呢來。」
12
彼時對彼個名叫橄欖的山,倒去耶路撒冷,此個山近耶路撒冷,相離開有安息日的路站。
13
已經入,就上所住的樓頂;有彼得、約翰、雅各、安得烈、腓力、及多馬、巴多羅買、及馬太、亞勒腓的子雅各,及西羅底的西門,及雅各的子猶大。
14
諸個人及幾若個婦仁人以及耶穌的老母馬利亞,參伊的兄弟,攏同心專務祈禱。
15
當時,同聚集的眾人,約略一百二十名,彼得佇兄弟中徛起來,
16
講:「兄弟啊,聖神借大衛的嘴,所讖語導人掠耶穌的猶大的,此個聖經應驗是應該。
17
因為伊曾及阮同列,閣佇此個工亦有份。
18
今此人用伊行不義所得著的工錢來買園,身軀仆落來,腹肚爆裂,腸仔攏流出。
19
佇耶路撒冷的人攏知,所以照的腔口叫彼區園做亞革大馬,就是「血園」。
20
因為詩篇記載,講:互伊的厝拋荒,無人佇遐徛;閣講:伊監督的職互別人擔當。
21
所以,主耶穌佇咱中間出入的時,
22
對約翰行洗禮起,到耶穌離別咱受接接的日,所有常常及阮做伴的人,佇中間著有一個及阮相及做伊復活的干證。」
23
對按呢舉二人,就是約瑟叫做巴撒巴,亦名猶士都,閣一個是馬提亞。
24
就祈禱講:「主啊,你是識眾人的心的,佇此二人中,指明叨落一人是你所揀的,
25
來有份佇此個工及使徒的職。就是猶大所離開,欲去伊家己的所在的。」
26
對按呢給拈鬮,拈著馬提亞;伊就及十一個使徒同列。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!