使徒行傳 第 13 章 - 台語漢字羅馬本

1
佇安提阿佇教會中,有先知及教師幾若人,就是巴拿巴及稱做尼結的西面、古利奈人路求,及分封的人君希律同培養的馬念,以及掃羅。
2
服事主、禁食的時,聖神講:「著給我分派巴拿巴、掃羅,來成我召去擔當的工。」
3
對按呢禁食祈禱,用手按,就差去。
4
已經奉聖神所差,落去西流基,對遐搭船去居比路。
5
佇撒拉米,傳上帝的道理佇猶太人諸個會堂,亦有約翰做的幫手。
6
行過通海嶼,到帕弗,抵著一個行邪術、做假先知的猶太人,名巴耶穌。
7
彼人常常及總督士求保羅相及。總督是聰明的人,伊召巴拿巴、掃羅來,愛聽上帝的道理。
8
獨獨彼個行邪術的以呂馬(伊的名翻譯就是行邪術的)抵敵二人,愛引誘總督互伊無信。
9
若是掃羅亦名保羅,互聖神充滿,注目看伊,講:
10
「嗐啊!你充滿眾項詭譎及奸惡的,魔鬼的子,眾項義的對敵,你混亂主諸個正路猶呣息嗎?
11
今你看,主的手佇你的身上,你欲睛暝,暫時看見日。」伊的目睭連鞭煙暈黑暗,四界求人牽伊。
12
總督看見所做的事,就信,大奇怪主的教示。
13
保羅及同伴對帕弗開船,到旁非利亞的別加,約翰離開,倒去耶路撒冷。
14
就對別加行,過去到彼西底的安提阿,當安息日入會堂坐。
15
律法及先知的冊讀明白,許個管會堂的,差人就近,講:「兄弟啊,恁若有苦勸百姓的話,請講。」
16
保羅起來徛,搖手,講:「列位以色列人及敬畏上帝的,請聽。
17
此個以色列百姓的上帝揀咱的列祖,當百姓出外佇埃及地的時給升高,抬起手導出遐;
18
閣佇曠野吞 寬容,約略四十年久。
19
已經滅迦南地七族的人,就將彼個土地分互做業;
20
約略有四百五十年,諸個代誌了後,用士師互,到佇先知撒母耳。
21
以後百姓求一個王,上帝就將便雅憫支派的人基士的子掃羅互,歷過四十年久。
22
已經廢伊,就舉大衛做的王,干證伊講:『我得著耶西的子大衛,伊是合我的心,凡事欲遵趁我的旨意。』
23
對此人的後裔,上帝照所應允的,給以色列人立一個救主,就是耶穌。
24
當伊未出頭的時,約翰代先用反悔的洗禮宣傳佇以色列的眾百姓。
25
約翰欲盡伊的路站的時講:『恁拍算我是是誰?我呣是基督;有路尾我來的,我解伊的鞋帶亦堪得。』
26
「兄弟啊,亞伯拉罕的後裔及恁中間敬畏上帝的人,此個拯救的道已經傳到佇咱啦。
27
因為徛起佇耶路撒冷的人及的官府,呣識伊,亦呣識逐個安息日所讀先知的話,才擬定伊,抵抵是應驗諸個話;
28
雖然查伊無死罪,猶久求彼拉多伊;
29
凡若所記載指伊的話已經應驗,就對柴裡收伊落來,下佇墓內。
30
獨獨上帝對死人中互伊復活。
31
伊多多日互許個對加利利及伊上耶路撒冷的人看見,今有對百姓做伊的干證。
32
閣阮報恁好消息,就是早所應允列祖的,
33
今上帝有給咱的子孫應驗伊,因為伊有互耶穌復活。亦親像詩篇第二篇記載講:你就是我的子,我今仔日生你。
34
論到伊互伊對死人中復活,無閣歸佇朽爛,有按呢講:我欲用大衛聖、閣實在的恩惠互你。
35
閣別篇亦有講:你無欲互你的聖者抵著朽爛。
36
「因為大衛佇伊的世代遵趁上帝的旨意,就去睏,及伊的列祖相及下,來抵著朽爛;
37
獨獨上帝所互伊復活的,無抵著朽爛。
38
兄弟啊,按呢恁著知;對此人才有赦罪的道理傳互恁。
39
恁靠摩西的律法,所得著稱做義的事,見若靠此人,就一切得著稱做義。
40
所以,著謹慎,驚了先知的話到佇恁。
41
伊的話講:藐視的人啊,恁著看,來卬愕,來滅無;因為當恁的時日,我行一項事,就是雖然有人給恁講,恁也呣信的。」
42
出去的時,有人求佇後個安息日用諸個話閣給講。
43
會眾已經四散,猶太人及入的教敬虔的人,多多隨保羅、巴拿巴。及講話,勸長長佇上帝的恩。
44
後安息日,通城的人差不多攏聚集,來聽上帝的道理。
45
若是猶太人看見人許多,就滿心怨妒,辯駁保羅所講的,續謗瀆。
46
保羅、巴拿巴好膽講:「上帝的道理代先對恁講是應該;若是恁已經棄拺伊,擬斷家己堪得受著永活,今阮諸個欲轉向外邦人啦。
47
因為主曾按呢命令阮講:我已經設立你做外邦的光,互你做拯救的到佇地極。」
48
外邦人聽了,就歡喜,謳咾上帝的道理;凡若受定著欲得著永活的人攏信。
49
對按呢主的道理遍傳佇彼個地方。
50
獨獨猶太人催迫敬虔、尊貴的婦仁人及城內的頭人,生事窘迫保羅、巴拿巴,將趕出境外。
51
若是對眾人拂去腳的土粉,就去以哥念,
52
學生滿心歡喜,閣互聖神充滿。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!