使徒行傳 第 25 章 - 台語漢字羅馬本

1

非斯都到任三日，就對該撒利亞上耶路撒冷。

2

諸個祭司頭及猶太的頭人對伊告保羅，

3

續求情欲害保羅，說伊帶保羅到耶路撒冷，佇路裡設埋伏欲伊。

4

若是非斯都應講：「保羅是顧守佇該撒利亞，我本身亦欲緊緊倒去」；

5

閣講：「恁中間卡會的人通相及落去，彼人若有甚麼不是，就通告伊。」

6

非士都遐不過十日八日，就落去該撒利亞；隔日坐堂，命令帶保羅來。

7

已經到，對耶路撒冷落來的猶太人圍纍徛，用多多重的案件來告伊，若是無憑據通證明。

8

保羅分訴講：「猶太人的律法，抑是殿堂，抑是該撒，我未曾犯著。」

9

非士都愛互猶太人歡喜，應保羅講：「論諸個事，你甘願上耶路撒冷，佇遐當我的面前受審判嗎？」

10

總是保羅講：「我徛佇該撒的公堂，是我應該受審判的位。我未曾用不義款待猶太人，這亦是你所明明知的。

11

我若有行不義，抑是犯著死罪，就死，亦無推辭。若是所告我的無一項實，就無人通順人情將我交互。我對該撒告御狀。」

12

非士都及議會相及議論了，就應講：「你已經對該撒告御狀，就去見該撒。」

13

過幾若日，亞基帕王及百尼基到該撒利亞，請安非士都。

14

遐多多日，非士都將保羅的事對王排列，講：「有一人，就是腓力斯所留佇監裡的。

15

我佇耶路撒冷的時，諸個祭司頭及猶太的長老告伊，求定伊的罪。

16

我應講，被告及原告猶未對訊，未得著機會分訴伊的案情，就順人情將伊交互人，呣是羅馬人的例。

17

所以聚集佇遮，我無延延，隔日坐堂，命令帶彼人到。

18

告伊的人攏徛；所告的，呣是我所代先拍算的歹事。

19

不過有幾項的辯論，就是論敬神明的事，閣論一個耶穌，已經死，保羅講伊活。為著按呢來告伊。

20

諸個事著怎樣查問，我既然明，所以問伊：『甘願去耶路撒冷，佇遐受審問諸個事抑呣？』

21

獨獨保羅已經告御狀，愛我留伊，交互皇帝判斷，我就命令留伊，聽候解送互該撒。」

22

亞基帕對非斯都講：「我本也愛聽此個人。講，明仔日通聽伊。」

23

隔日，亞基帕及百尼基大設威儀來，及諸個千總以及城內尊貴的人入公堂。非斯都出命令，就帶保羅到。

24

非斯都講：「亞基帕王以及及阮佇的眾人啊，恁看此個人，就是眾猶太人，佇耶路撒冷及佇遮，求我叫講：『伊呣應該猶活的。』

25

若是我查明伊未曾行應該死的事，閣伊已經告御狀佇皇帝，所以我擬定解送伊。

26

獨獨未得著伊的實情通奏我的主。所以，帶伊出來佇恁的面前，閣卡要緊佇亞基帕王你的面前，才佇審問了有所通奏。

27

因為照我拍算，解送犯人，若無指明告伊的事，是無合理。」