使徒行傳 第 9 章 - 台語漢字羅馬本

1
掃羅猶久一味哄喝愛主的學生,去見祭司頭,
2
對伊求批互大馬色諸個會堂,若抵著趁此個路的人,無論男女,伊就通縳帶到耶路撒冷。
3
行近大馬色的時,忽然對天有光,圍纍照伊;
4
伊就跋倒佇地裡,聽見聲給伊講:「掃羅!掃羅!啥事窘逐我?」
5
伊講:「主啊!你是是誰?」講:「我就是你所窘逐的耶穌。
6
總是你著起來,入城,你所應該做的,欲給你講。」
7
同行的人靜靜徛,聽見聲,也無看見人。
8
掃羅對地裡起來,目睭展開,看見甚麼。人牽伊的手,導伊入大馬色;
9
歷過三日看見,無食也無飲。
10
佇大馬色有一個學生,名亞拿尼亞。主佇異象中給伊講:「亞拿尼亞啊。」伊講:「主啊,我佇遮。」
11
主對伊講:「起來!去彼條街路叫做直的,佇猶大的家,尋大數人,名掃羅。因為伊抵抵祈禱,
12
閣有看見一人,名亞拿尼亞,入來給伊按手,互伊會看見。」
13
若是亞拿尼亞應講:「主啊,我聽見多多人講,此人佇耶路撒冷曾怎樣大歹款待你諸個聖徒,
14
閣伊佇遮有諸個祭司頭的權通來縛見若求叫你的名的人。」
15
獨獨主給伊講:「做你去!伊是我揀選的器具,欲報揚我的名,佇外邦及國王,以及以色列子孫的面前。
16
我也欲互伊知,伊著因為我的名受偌多的艱苦。」
17
亞拿尼亞就去,入伊的厝,手按伊,講:「兄弟掃羅,主就是你來的時路中出現互你看的耶穌,差我來,互你會看見,閣得著聖神充滿。」
18
連鞭對伊的目睭有物磕落,親像魚鱗,伊就看見。起來受洗禮;
19
已經食就勇健。掃羅及大馬色的學生相及住幾若日,
20
連鞭佇諸個會堂宣傳耶穌,講伊是上帝的子。
21
聽見的人攏卬愕,講:「此人豈呣是彼個佇耶路撒冷殘害凡若求叫此個名的嗎?閣來遮,刁持欲縛,來拖交互諸個祭司頭。」
22
獨獨掃羅益發有能力,駁倒住佇大馬色的猶太人,辯明此個是基督。
23
過多多日,猶太人相及計謀欲伊,總是的計謀掃羅知。
24
亦日暝佇城門裡當等,欲伊。
25
若是伊的學生透暝將掃羅用籃對城牆給伊縋落去。
26
已經到耶路撒冷,欲及學生交陪,攏驚伊,呣信伊是學生。
27
獨獨巴拿巴導伊就近使徒,將伊佇路中怎樣看見主,主及伊講話,以及伊住大馬色怎樣好膽佇耶穌的名來傳,攏總講起。
28
就佇耶路撒冷及出入,好膽佇主的名來傳,
29
亦及講希利尼話的猶太人講話辯論;獨獨許個人圖謀欲伊。
30
兄弟知就送伊落該撒利亞,互伊倒去大數。
31
對按呢,遍猶太、加利利、撒瑪利亞的教會有平安,得著建立;行代誌敬畏主,也受聖神的安慰,人額愈加添。
32
彼得遍行四方的時,也落去就近佇呂大的聖徒;
33
佇遐抵著一人,名以尼雅,因為患著半 ,倒床八年。
34
彼得給伊講:「以尼雅,耶穌基督醫好你啦,起來!你的舖仔家己整頓。」伊連鞭起來。
35
見若住佇呂大及沙崙的人看見伊,就歸服主。
36
佇約帕有一個女徒,名大比大,翻譯就是多加;行好事及賑濟滿滿。
37
當時,破病死,人洗伊的身屍,下佇樓頂。
38
呂大近約帕;學生聽見彼得佇遐,就差二人去尋伊,求講:「請來阮遮,呣通延延。」
39
彼得就起身及去;已經到,導伊上樓。眾守寡人徛佇彼得的身邊哮,將多加及佇的時所做的衣服互伊看。
40
彼得就教眾人出去,跪落去祈禱,越轉身向身屍講:「大比大,起來!」伊的目睭展開,看見彼得,就起來坐。
41
彼得伸手扶伊起來,叫諸個聖徒及守寡人入來,將復活的多加交互。
42
通約帕攏知,就有多多人信主。
43
彼得佇約帕久久及一個礬皮師傅西門相及住。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!