阿摩司書 第 6 章 - 台語漢字羅馬本

1
佇錫安無掛慮者,佇撒瑪利亞山掠做穩當者,佇萬國中做第一國的首領,就是以色列家所歸倚者,有災禍啊!
2
恁著去甲尼來看,對遐去到大城哈馬,閣落去非利士的迦特,豈有卡贏諸個國嗎?的境界比恁的境界卡闊嗎?
3
恁家己掠做降災禍的日猶久遠,互暴虐的座位近倚。
4
恁倒佇象牙的眠床,撐佇坑床,食羊群中的羊仔,及 內的牛仔;
5
彈琴彈瑟,唱拉閒的歌曲,為家己做樂器,親像大衛;
6
用碗飲酒,用上好的油家己抹,總是無為約瑟的敗壞擔憂。
7
所以欲佇受掠的人的中間代先受掠;撐佇坑床的人的宴樂欲無去。
8
萬軍的上帝──耶和華講,主耶和華指家己來咒誓講:我厭賤雅各的榮華,怨恨伊的宮殿;因為,按呢我欲將城及其中所有的攏交付對敵。
9
彼時,若剩十人佇一間厝,亦攏欲死。
10
死人的皆親,就是燒伊的身屍者,給伊扶起來欲帶伊的屍骸出厝外,就問內房的人講:「你遐猶有人無?」伊應講:「無」;伊就講:「呣通出聲,因為咱呣通講起耶和華的名。」
11
看啊,耶和華出命令,拍大間厝互伊碎碎,拍細間厝互伊裂裂開。
12
馬豈會跑佇石磐頂嗎?人豈會用牛犁佇遐嗎?恁竟然互公平變做苦膽,互公義的果子變做茵蔯。
13
恁歡喜虛假的事,也講:阮豈呣是用家己的氣力取二支角嗎?
14
耶和華、萬軍的上帝講:看啊,以色列家,我欲興起一國攻擊恁;欲苦楚恁,對入哈馬的路到亞拉巴的溪。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!