阿摩司書 第 9 章 - 台語漢字羅馬本

1
我看見主徛佇祭壇邊;伊講:你著拍柱枓,互門椗振動,拍碎伊,來傷著眾人的頭殼;所剩的人,我欲用刀,無一個走會離,無一個會得著救。
2
雖然掘到陰間,我的手欲對遐掠出來;雖然上到天,我欲對遐掠落來;
3
雖然匿佇迦密山頂,我欲搜尋,對遐掠出來;雖然閃避我的目睭前匿佇海底,我欲對遐命令蛇,伊欲咬;
4
雖然受掠佇對敵的面前,我欲對遐命令刀劍,伊欲;我欲注目看伊,是欲降災禍呣是欲降福氣。
5
因為主──萬軍的耶和華摸地,地就消溶,見若徛起彼中間者欲悲哀。全地欲親像大河漲起來,亦欲退低親像埃及河。
6
佇天頂起伊的房間、佇地上下穹蒼的地基、叫海水來傾佇地裡者──伊的名是耶和華。
7
耶和華講:以色列人啊,我豈無看恁親像古實人嗎?我豈呣是導以色列人出埃及地,非利士人出迦斐託,亞蘭人出吉珥嗎?
8
看啊,主耶和華注目看此個有罪的國,我欲對地上滅伊,總是無欲一盡滅雅各的家。這是耶和華講的。
9
看啊,我欲出命令,佇萬國中簸以色列家,親像用簸箕簸五穀,無一粒的磕落地。
10
我的百姓中間攏總有罪的人講:災禍著阮,亦抵著阮的。欲死佇刀下。
11
到彼日,大衛已經倒的布棚,我欲閣給伊徛起來,也欲補伊的破隙,欲起伊許個倒壞的,來建立伊,親像早時一樣。
12
互得著以東猶剩的做業,亦得著許個用我的名來稱的外邦。這是行此個事的耶和華所講的。
13
耶和華講:看啊,日子欲到,犁田者欲著收割者;踏葡萄者欲著撒種者,大山欲滴甜酒;小山欲流奶。
14
我欲互我的百姓以色列受掠者倒轉來;欲閣起荒廢的城來徛起,栽葡萄園,來飲伊的酒,作園,來食伊的果子。
15
我欲栽培佇本土地,無閣抵著拔出佇我所互的地。這是耶和華──你的上帝講的。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!