申命記 第 28 章 - 台語漢字羅馬本

1
「你若致意聽耶和華──你的上帝的話,守伊一切的誡命來行伊,就是我今仔日所命令你的,耶和華──你的上帝欲互你過天下萬國。
2
你若聽耶和華──你上帝的話,就諸個所祝福的欲你,欲到佇你;
3
你佇城內欲得著福氣,佇田裡欲得著福氣。
4
你的身軀所生的,你的土地所出的,你的精牲所出的,以及牛的牛仔子,羊的羊仔子,攏欲得著福氣。
5
你的筐仔及你摶麵的器具攏欲得著福氣。
6
你入來欲得著福氣,出去也欲得著福氣。
7
「你的對敵起來攻擊你的,耶和華欲互輸佇你的面前;對一條路出來攻擊你,欲佇你的面前對七條路來走。
8
耶和華欲命令福氣互你,佇你的粟倉,及你的手所做一切的事,也欲賜福你佇耶和華──你上帝所賞賜你的地。
9
你若守耶和華──你上帝的誡命,行伊的道路,耶和華欲設立你做伊家己聖的百姓,照伊所對你咒誓的。
10
天下萬百姓看見你屬佇耶和華的名下,就欲驚畏你。
11
你佇耶和華對你的列祖咒誓賞賜你的地,耶和華欲互你的身軀所生的,精牲所出的,土地所出的,充足有剩。
12
耶和華欲給你開伊天裡寶貝的庫房,落及時的雨佇你的地。佇你的手所做一切的事賜福你。你欲借互多多國,也你呣免借。
13
你若聽趁耶和華──你的上帝的誡命,就是我今仔日所命令你的,執守來行伊,無偏左無偏右,來歪斜我今仔日所命令你諸個話,去趁別個上帝來服事伊,耶和華就欲互你做頭無做尾,你欲踮佇頂面無踮佇下面。」
14
(見申28:13)。
15
「你若無聽趁耶和華──你上帝的話,無執守來行伊一切的誡命律例,就是我今仔日所命令你的,諸個咒詛就欲著你,欲到佇你;
16
佇城內你欲受咒詛,佇田裡你也欲受咒詛。
17
你的筐仔及你摶麵的器具攏欲受咒詛。
18
你的身軀所生的,你的地所出的,以及牛的牛仔子,羊的羊仔子,攏欲受咒詛。
19
你入來欲受咒詛,出去也欲受咒詛。
20
因為你所行的歹來棄拺我,耶和華欲佇你的手所做一切的事,互咒詛、擾亂、責罰到佇你,直到你受毀滅,緊緊滅無。
21
耶和華欲互瘟疫纏你,到伊滅無你佇你所入去承接的地。
22
耶和華欲用消瘦、熱病、發炎、毒熱、刀劍、枯焦、朽爛攻擊你。諸個攏欲追你,到你滅無。
23
你頭殼頂的天欲變做銅,腳下的地欲變做鐵。
24
耶和華欲互你地上的雨變土粉、變沙,伊欲對天落佇你,到你滅無。
25
「耶和華欲互你輸佇你對敵的面前,你對一條路出去抵敵,欲佇的面前對七條路來逃走。你欲佇天下萬國中流落。
26
你的身屍欲互空中的飛鳥及地上的走獸做食物,也無人趕伊。
27
耶和華欲用埃及的殃、痔瘡、癬、疥醫得的,來拍你。
28
耶和華欲用癲狂、睛暝、心的驚惶拍你。
29
你欲佇日中晝四界摸,親像晴暝的暗摸索,你的路亨通,常常抵著制壓、搶奪,無人拯救你。
30
你欲聘定某,別人及伊同房;你欲起厝,無通徛佇彼內面;你欲栽種葡萄園,也得著食伊的果子。
31
你的牛佇你的目睭前,你無通食著;你的驢佇你的目前受搶奪,呣還你;你的羊欲歸你的對敵,無人替你救伊。
32
你的子查某子欲交佇別國的百姓;你的目睭欲看,通日瞭望伊,到失明,你的手也無力通做甚麼。
33
你的土產及你著磨所得著的,欲互你所呣識的國民食了了。你干單受欺負,受壓制,
34
你為著你的目睭所看見的事,欲致到癲狂。
35
耶和華欲用醫得的毒殃拍你,佇你的腳頭窩,腳腿,對你的腳掌到頭殼頂。
36
「耶和華欲遷徙你及你所設立管轄你的王,到你及你的列祖所呣識的國;佇遐你欲服事別個上帝是柴的、石的。
37
你佇耶和華所欲導你到的列國中,欲互人卬愕、互人做話柄、受譏刺。
38
你欲帶多多種子到田裡,若是所收的是真少,因為草蜢欲食伊。
39
你欲栽種葡萄園來修整伊,總是無通飲酒,無通挽果子,因為蟲欲食伊。
40
通境內你欲有橄欖樹,總是無伊的油通抹你的身軀,因為你的橄欖樹住粒。
41
你欲生子查某子,無通做你的,因為欲互人掠去。
42
你的樹木及你的土產草蜢欲一盡食伊。
43
你中間的出外人,欲愈升愈高;你欲愈降愈低。
44
伊欲借你,也你無通借伊;伊欲做頭,你欲做尾。
45
諸個咒詛欲攏到佇你,欲追你,欲著你,到你滅無;因為你無聽趁耶和華──你上帝的話,無守伊所命令你許個誡命律例。
46
諸個咒詛欲到佇你及你的後裔做神蹟奇事,到永遠!
47
「因為你無為著你的好額,用歡喜的心快樂的意思,來服事耶和華──你的上帝,
48
所以你欲抵著枵餓、嘴乾、褪裼、無半項物服事耶和華所差來攻擊你的對敵。伊欲用鐵軛掛佇你的頷頸,到滅無你。
49
「耶和華欲對遠遠、對地極導一國,親像鷹飛來攻擊你。彼個國的話,你曉聽。
50
彼個國的人面雄介介,無體貼老人,也無憐憫囝仔。
51
欲食你的精牲所生的及你的土產,到你滅無。你的五穀、酒、油、以及牛的牛仔子、羊的羊仔子、攏無給你留,到滅無你。
52
伊欲圍困你佇你逐個城門內,到你所倚靠、高閣堅固的城牆攏倒壞佇你的全地。伊欲圍困你佇你逐個城門內佇耶和華──你上帝所賞賜你的全地。
53
你的對敵圍困你,你佇窘迫困苦的中間,欲食你的身軀所生的,就是耶和華──你上帝所賞賜你的子查某子的肉。
54
恁中間,幼秀不止細膩的人,目睭欲眥伊的兄弟及伊心懷中的某,以及其餘所剩的子兒;
55
致到伊無欲用伊所食子兒的肉,分一點仔互中間的一人;因為你佇逐個城門內,受對敵圍困大大窘迫你的時、伊無剩半項。
56
恁中間幼秀細膩的婦仁人,因為伊的幼秀細膩平素呣敢用腳掌踏地的,欲眥伊心懷中的丈夫及伊的子伊的查某子。
57
以及伊身軀所出的衣及伊所生許個子,因為佇你受圍互對敵佇你諸個城門內窘迫你困苦的時,伊因為百項物欠缺,所以欲偷食伊。」
58
「若你無執守來行此本冊所記律法一切的話,無敬畏有榮光通驚畏的名,就是耶和華──你的上帝。
59
耶和華就欲用奇怪的災禍,就是極大極久的災禍,及極重極久的病到佇你以及你的後裔,
60
也欲互你所驚、埃及許個病症攏臨到佇你,也欲纏佇你的身軀,
61
連許個無記佇此本律法的冊的災禍、病症,耶和華欲互伊攏到佇你到你滅無。
62
恁前雖然親像天頂的星許多,總是因為你無聽趁耶和華──你上帝的話,所以你所剩的數額就欲少少。
63
前耶和華掠賜福恁互恁興旺做歡喜,後來耶和華也欲掠毀滅恁,滅無恁做歡喜;恁也欲對恁所入去承接的地受拔起來。
64
耶和華欲互恁四散佇萬百姓中,對地此個極頭到地彼個極頭,你欲佇遐服事別個上帝,是你及你的列祖所呣識、柴的、石的。
65
佇許個國內,你得著安然,你的腳也得著歇睏;耶和華也欲互你佇遐心噗噗筅,目睭失明,精神衰敗。
66
你的生命佇你的面前無定無著;你日暝驚惶,你的生命無穩當。
67
你因為心內所驚惶的,目睭所看見的,早起欲講,苦得此時暗;暗時欲講,苦得此時天光。
68
耶和華欲互你坐船倒去埃及,對彼條路就是我曾對你講你閣看見的;佇遐你欲賣本身互對敵做奴僕女婢,總是無人買。」

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!