申命記 第 7 章 - 台語漢字羅馬本

1
「耶和華──你的上帝導你入你所欲去得著的地,對你的面前趕出多多邦國,就是赫人、革迦撒人、亞摩利人、迦南人、比利洗人、希未人、耶布斯人,共七國,攏比你卡大卡猛。
2
耶和華──你的上帝將交付你互你拍贏伊,彼時你著一盡滅,呣通及立約,也呣通憐憫。
3
呣通及結親。你的查某子呣通嫁互伊的子,也呣通給你的子娶伊的查某子;
4
因為伊欲互你的子越轉無隨我,去服事別個上帝,致到耶和華大受氣恁,緊緊滅恁。
5
總是恁著按呢款待:拆毀的祭壇,拍碎雕刻的柱,剉的亞舍林,用火燒所妝的偶像。
6
因為恁做聖潔的百姓;歸佇耶和華──你的上帝;耶和華──你的上帝對地上萬百姓中揀你,特別做伊家己的百姓。
7
「耶和華疼恁,揀恁,呣是因為恁的人額比別國卡多,因為恁的人額是萬國中第一少的。
8
是因為耶和華疼恁,閣因為欲行伊對恁列祖所咒誓的,耶和華才用大權能的手導恁出來,對做奴才的家救贖恁脫離埃及王法老的手。
9
所以,你著知耶和華──你的上帝,伊是上帝,是信實的上帝;為著疼伊、守伊誡命的人,行伊的約及慈愛,直到千代;
10
見若怨恨伊的人伊欲當面報應來滅。怨恨伊的人伊欲當面報應伊,無欲延延。
11
所以,你著執守我今仔日所命令你的誡命、律例、法度來行伊。」
12
「後來恁若聽諸個法度,執守來行伊,耶和華──你的上帝因為按呢欲給你行伊對你的列祖所咒誓的約,及慈愛。
13
伊欲疼你,賜福你,互你興旺,也欲佇伊對你的列祖咒誓賞賜你的地,賜福你的胎所生的,你的地所出的,及你的五穀、你的酒、你的油,以及你的牛仔,及你的羊仔子。
14
你欲得著賜福贏過萬百姓;恁中間的男女無一個生養,恁中間的精牲無一隻生湠。
15
耶和華欲互一切的病症離開你;你所知埃及逐樣的歹症頭,伊無互你抵著一項,是欲互一切怨恨你的人抵著。
16
耶和華──你的上帝所欲交付你的百姓,你著攏滅;你的目睭呣通可憐。你也呣通服事的上帝,因為這欲做害你的羅網。
17
「你若心內想講,諸個國比我卡大,我豈可會趕逐啊?
18
你呣免驚,的確著記得耶和華──你的上帝向法老及埃及全地所行的事,
19
就是你親目看見的大試煉、神蹟、奇事,及大權能的手,及伸出來的手骨,攏是耶和華──你的上帝所用來導你出的。耶和華──你的上帝也欲按呢行佇你所驚一切的百姓。
20
閣耶和華──你的上帝欲差大隻蜂飛到中間,直到所剩來閃匿者滅佇你的面前。
21
你呣免驚,因為耶和華──你的上帝是大閣通驚的上帝佇恁中間。
22
耶和華──你的上帝欲佇你的面前漸漸除滅諸個國;你呣通緊緊滅伊到盡,驚了野獸加添多多來害你。
23
耶和華──你的上帝欲將交付你,互大驚擾亂,直到滅無;
24
閣欲用許個王交佇你的手,你欲除滅的名佇天下。的確無一人會徛佇你的面前,直到你滅無。
25
所雕刻的上帝的像,恁著用火燒伊;伊的身上的金銀,你呣通貪,也呣通提伊做家己的,驚了你為此個陷落羅網;因為這是耶和華──你的上帝所厭惡的。
26
見若通厭惡的物,你呣通帶入你的厝;驚了你也成做通咒詛的,及許個物一樣。你著極其痛恨,極其厭惡,因為是通咒詛的。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!