傳道書 第 1 章 - 台語漢字羅馬本

1
佇耶路撒冷做王、大衛的子、傳道的話。
2
傳道者講:空虛的空虛,空虛的空虛,凡事攏是空虛。
3
人一切的著磨,就是伊佇日光的下面所著磨的,有甚麼利益啊?
4
一代過去,閣一代來,總是地猶原佇。
5
日出,日落,緊緊走倒轉伊所出來的所在。
6
風吹向南,閣倒轉向北,轉踅無息,也倒轉佇伊轉踅的圈。
7
江河攏流落海,總是海也無滿;江河流到叨落,就閣流到遐。
8
萬事勞苦到極,人講盡。目睭看,看飽;耳孔聽,聽淀。
9
所欲有的是前已經有;所欲做的是前已經做。佇日光的下面無有新的事。
10
豈有甚麼事人通指伊講你看此個是新的?佇咱以前的世代,早早已經有啦。
11
已經過的世代,無人記得;將來的世代,後來的人也記得。
12
我傳道者曾佇耶路撒冷做以色列王。
13
我專心用智慧、研究查考天下所做一切的事,就知上帝所互人著磨的是苦痛的著磨。
14
我看見日光的下面所做一切的事,看啊,攏是空虛,攏是掠風。
15
彎曲的,會互伊直;缺陷的,會算得。
16
我的心內想講:看啊,我得著大智慧,贏過我以前一切佇耶路撒冷的人,閣我心歷過多多智識及知識。
17
我專心致意愛知智慧,愛知癲狂,及愚戇,就知這也是掠風。
18
因為多多智慧,就多多煩惱;加添知識,就加添憂傷。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!