傳道書 第 3 章 - 台語漢字羅馬本

1
天下萬般攏有伊的期,萬項事攏有伊的時。
2
有出世的時,有死的時;有栽種的時,有拔出所栽種者的時;
3
有死的時,有醫好的時;有拆毀的時,有起造的時;
4
有啼哭的時,有好笑的時;有哀慘的時,有跳舞的時;
5
有石頭的時,有拾石頭的時;有通抱的時,有呣通抱的時;
6
有尋著的時,有失落的時;有保守的時,有放拺的時;
7
有拆裂的時,有補紩的時;有靜靜的時,有講話的時;
8
有疼惜的時,有怨恨的時;有交戰的時,有和好的時。
9
做工的人佇伊所勞碌的有甚麼利益啊?
10
我有看見上帝所互世間人的勞碌,互佇彼中間來練習。
11
上帝造萬物,各照伊的時成做美妙,閣將永遠的觀念下佇人的心。總是上帝對頭到尾所做成的,人會測 伊。
12
我知從中無一項卡好佇一生快樂,閣行好;
13
閣人人也食也飲,佇伊一切所勞碌的來享福,這也是上帝的恩賜。
14
我知上帝一切所做的欲永遠佇;加添,減少。上帝按呢行,是互人佇伊的面前驚畏。
15
現今所有的前已經有,將來欲有的早已經有,過身的事上帝閣尋伊。
16
我閣看見日光的下面,佇審判的所在有奸惡,佇公義的所在也有奸惡。
17
我心內講,上帝欲審判義人及歹人;因為佇遐,逐項的事逐項的工,攏有定著的時。
18
我心內講,這是為著世間人的緣故,上帝欲試驗,互知家己是禽獸。
19
因為世間人所抵著的,禽獸也抵著,所抵著攏是一樣:此個按呢死,彼個也是按呢死,攏同一樣喘氣。人卡贏禽獸,因為攏是空虛。
20
攏到一所在,攏出佇土粉,也攏歸佇土粉。
21
人的魂上頂面,獸的魂墜落地,是誰知是按呢抑呣是?
22
所以,我看見人無一項卡好佇伊所經營的來歡喜,因為這是伊的份額。伊身後的事是誰會互伊閣來看見啊?

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!