傳道書 第 8 章 - 台語漢字羅馬本

1
是誰親像智慧的人?是誰知事情的開拆?人的智慧互伊的面有光,也互伊剛強的面得著改換。
2
我講著守王的命令;因為有指上帝來咒誓。
3
呣通趕緊離開伊的面前,呣通久長踮佇歹的事,因為伊凡事攏照家己的心意來行。
4
因為王的話有權,是誰會對伊講「你做甚麼」啊?
5
守命令的人,抵著災禍;智慧的人的心會辨明時勢及審判。
6
逐項事攏有伊的時及審判,因為人的苦難重重壓佇伊。
7
因為伊呣知將來的事,因為後來怎樣,是誰會給伊講啊?
8
無人會管伊的活命,將活命留;也無人會管死的日;此號的交戰,免得;罪惡也救行伊者。
9
這一切我攏有看見,也專心查考日光的下面所做一切的事。有時此人管彼人,致到害著伊。
10
我看見歹人埋葬,歸佇墓;閣行正直的離開聖的所在,佇城內互人記得。這也是空虛。
11
因為定罪無立刻施行刑罰,所以世間人心大膽行歹。
12
罪人雖然做歹一百擺,猶久食長歲壽;若是我準準知,敬畏上帝的,就是佇伊的面前敬畏的人,到尾欲得著福氣。
13
總是歹人得著福氣,也得著長歲壽;是親像影,因為伊無敬畏佇上帝的面前。
14
世上有發現一件空虛的事,就是有義人,伊所抵著的照歹人的行做;閣有歹人,伊所抵著的照義人的行做。我講,這也是空虛。
15
我就謳咾快樂的事,因為人佇日光的下面,呣值著來食來飲來快樂;因為伊佇日光的下面,上帝賞賜伊一生的年歲,佇伊所勞碌的,這常常及伊佇。
16
我專心愛識智慧,也欲看世上所做的事。(有人日暝睏得目睭無放瞌。)
17
我就看見上帝一切所做的,知人會查考日光的下面所做的事;因為人無論怎樣著磨來查考,也查出,就是智慧的人雖然掠做知,也是會查出。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!