以斯帖記 第 9 章 - 台語漢字羅馬本

1

十二月，就是亞達月十三日，王的命令及諭旨得欲舉行，就是猶大人的對敵向望得著管轄的日，總是代誌對反，反轉互猶大人管轄見若怨恨的人。

2

彼日佇亞哈隨魯王的逐省猶大人攏聚集佇的城，下手攻擊許個欲害的人。無人會抵當，因為眾百姓攏驚。

3

逐省的首領、大臣、總督，及辦理王的事的人，攏來幫助猶大人，因為驚末底改。

4

因為末底改佇朝廷尊大，名聲遍傳逐省，此個末底改愈升愈大。

5

猶大人用刀拍一切的對敵，死剿滅出在意思行佇怨恨的人。

6

佇書珊城，猶大人滅五百人；

7

閣死巴珊大他、達分、亞斯帕他、

8

破拉他、亞大利雅、亞利大他、

9

帕瑪斯他、亞利賽、亞利大、瓦耶撒他；

10

此十人攏是哈米大他的孫、猶大人的對敵哈曼的子。總是無搶的財物。

11

當彼日，將書珊城受的人額呈報佇王的面前。

12

王給王后以斯帖講：「猶大人佇書珊城死對敵五百人，閣死哈曼十個子，佇王其餘的逐省呣知做怎樣？今你所請是甚麼，欲互你；你所求是甚麼，也欲做成伊。」

13

以斯帖就講：「王若掠做好，求你准書珊的猶大人，明仔日也照今仔日的諭旨來行，也將哈曼十個子吊佇柴架裡。」

14

王就命令照按呢行。彼個諭旨傳佇書珊，人就將哈曼十個子吊起來。

15

亞達月十四日，書珊的猶大人閣聚集佇書珊，死三百人，總是無搶的財物。

16

佇王逐省其餘的猶大人也攏聚集起來保護家己的生命，脫離對敵，享受平安。死怨恨的人七萬五千，總是無搶的財物。

17

亞達月十三日，行此個事；十四日安息，用此日設筵席做歡喜的日。

18

總是書珊的猶大人，此十三、十四日聚集；十五日安息，用此日做設筵席歡喜的日。

19

所以踮佇鄉社的猶大人，徛起佇無城牆的埠頭，今攏用亞達月十四日做設筵席歡喜的日，做好的日，用禮物相送。

20

末底改記載許個事，閣寫批互亞哈隨魯王逐省遠近所有的猶大人，

21

定著逐年著守亞達月十四、十五二日，

22

此二日是猶大人脫離對敵得著平安的日，彼月是憂悶變做歡喜，悲哀變做好的日。也著守此二日做設筵席歡喜，大家用禮物相送，賑濟喪鄉人的日。

23

對按呢，猶大人照末底改所寫互的批，承認欲照起頭行的來守伊；

24

因為猶大人的對敵亞甲族哈米大他的子哈曼設計謀攻擊猶大人欲滅，博普珥，就是抽籤，為著欲敗壞，剿滅；

25

總是此個代誌到王的面前，王就降諭旨互哈曼計謀害猶大人的歹計謀歸佇伊家己的頭殼，閣吊伊及伊許個子佇柴架頂。

26

對按呢照普珥的名，就叫許個日做「普珥日」。因為此張批攏總的話，以及佇此個事所親目看見親身抵著的事，

27

猶大人就決意承認及的後裔，以及見若歸倚的人，年年欲照所記載所定著的期守此二日，互伊無廢無。

28

閣欲紀念來守許個日，佇逐代、逐家、逐省、逐城，互普珥的日佇猶大人的中間無廢無，佇的後裔紀念無息。

29

彼時亞比孩的查某子──王后以斯帖及猶大人末底改，用全權寫來堅固普珥的第二張批，

30

閣用和平誠實的話，寫批互亞哈隨魯王國內一百二十七省所有的猶大人，

31

欲堅固此個「普珥的日」，佇所定著的期，照猶大人末底改及王后以斯帖所命令的，也照猶大人為家己及的後裔所定著的，禁食啼哭。

32

以斯帖的詔命堅固「普珥」的事，也有記佇冊裡。