出埃及記 第 14 章 - 台語漢字羅馬本

1

耶和華給摩西講：

2

「你吩咐以色列人越倒轉，紮營佇比哈希錄的頭前，佇密奪及海的中間，佇巴力洗分的頭前，佇彼對面紮營佇海邊。

3

法老欲議論以色列人講：『佇地中踅無路，曠野給圍困。』

4

我欲互法老的心硬，伊欲追，我就佇法老及伊的全軍來得著榮光；埃及人就知我是耶和華。」就按呢行。

5

有人報埃及王講：「彼個百姓走去。」法老及伊的人臣對待彼個百姓的心就變換，講：「咱准以色列人去，無閣服事咱，這是甚麼緣故啊？」

6

法老就備辦伊的車，帶伊的百姓相及去，

7

也帶六百張特別車及埃及所有的車，逐張車攏有兵頭管。

8

耶和華互埃及王法老的心硬，伊就追以色列人，若是以色列人靠大權能的手出去。

9

埃及人追，法老一切的馬、車、及伊的馬兵，及伊的軍隊，就佇海邊，倚近比哈希錄，佇巴力洗分的對面，佇安營的所在著。

10

法老近倚的時，以色列人抬目看見埃及人倚來，就真驚，喉叫耶和華。

11

對摩西講：「豈是埃及無塚地，你才導阮出來死佇曠野嗎？你啥事按呢款待阮，導阮出埃及啊？

12

阮佇埃及豈無對你按呢講，莫得插阮，出在阮服事埃及人嗎？因為服事埃及人卡值死佇曠野。」

13

摩西對百姓講：「呣免驚，做恁徛！看耶和華今仔日為著恁所欲行的拯救。因為恁今仔日所看見的埃及人，的確永遠無閣看見。

14

耶和華欲為恁交戰；做恁恬恬，莫做聲。」

15

耶和華對摩西講：「你啥事喉叫我啊？你著教以色列人進前去。

16

你抬柺仔伸手指海，來分開伊。以色列人欲佇海中行乾地。

17

獨獨我，我欲互埃及人的心硬，欲隨落去。我欲佇法老及伊的全軍、伊的車、伊的馬兵來得著榮光。

18

我佇法老及伊的車、伊的馬兵得著榮光的時，埃及人就知我是耶和華。」

19

上帝的使者本行佇以色列的營前者，徙來行佇的後面；雲柱也對的頭前徙來徛佇的後面。

20

佇埃及營及以色列營的中間，彼旁有雲有黑暗，此旁暝時發出光，通暝二旁相近。

21

摩西就伸手指海，耶和華通暝互東風大起，互海退去，水就分開，海就成做乾地。

22

以色列人落海中行乾地，水佇的雙旁成做牆壁。

23

埃及人追，法老一切的馬、車，及馬兵，攏隨到海中。

24

到天欲光的時，耶和華對雲及火的柱中俯落看埃及的軍隊，拍亂的隊伍；

25

閣互的車輪落落，得行，致到埃及人講：「咱著對以色列人的面前逃走！因為耶和華為著及埃及人交戰。」

26

耶和華給摩西講：「你伸手指海，互水倒轉來淹埃及人及的車、的馬兵。」

27

摩西就伸手指海，到天一下光，海水閣照舊。埃及人逃走，水截佇的頭前，耶和華就將埃及人捙倒倒佇海中，

28

水就反流，淹密許個車及馬兵。法老的全軍隨以色列人落海者，連一個也無留。

29

總是以色列人佇海中行乾地；水佇的雙旁成做的牆壁。

30

彼日，耶和華按呢救以色列人脫離埃及人的手，以色列人看見埃及人的身屍佇海邊。

31

以色列人看見耶和華對埃及人所行的大事，就敬畏耶和華，閣信服耶和華及伊的奴僕摩西。