以西結書 第 11 章 - 台語漢字羅馬本

1
神就舉起我,帶我到耶和華的厝向東的東門。看啊,佇門的門口有二十五人,我看見中間有百姓的貴族,押朔的子雅撒尼及比拿雅的子毗拉提。
2
伊給我講:「人子啊,這就是圖謀罪惡的人,提倡歹代佇此個城內。
3
講:『起厝的期猶未到;此個城是鼎,阮是彼內面的肉。』
4
人子啊,因為按呢你著宣傳,著宣傳來攻擊。」
5
耶和華的神臨到我,對我講:「你著講,耶和華按呢講:以色列家啊,恁講按呢,恁的心所想,我知啦。
6
恁佇此個城內死多多人,互身屍滿街路。
7
所以主耶和華按呢講:恁所下佇此個城內的死人就是肉,此個城就是鼎;總是恁欲對彼中間受帶出去。
8
恁驚刀劍,我欲互刀劍臨到恁。這是主耶和華講的。
9
我欲對彼中間導恁出去,交佇外邦人的手,閣欲佇恁中間行審判。
10
恁欲倒佇刀下;我欲佇以色列的交界審判恁,恁就知我是耶和華。
11
此個城無欲做恁的鼎,恁亦無欲做彼中間的肉。我欲佇以色列的交界審判恁,
12
恁就知我是耶和華;因為恁無行我的律例,亦無順趁我的法度,就是趁恁四圍列國的法度。」
13
我抵仔宣傳的時,比拿雅的子毗拉提死去。我就仆佇地裡,大聲叫講:「嗐啊!主耶和華啊,你欲將以色列的人一盡剿滅嗎?」
14
耶和華的話臨到我講:
15
「人子啊,耶路撒冷徛起的百姓,對你的兄弟就是你的兄弟、你的親人,及以色列全家,就是對眾人講:『恁著離開耶和華!因為此個地是互阮做業的。』
16
所以你著講:『主耶和華按呢講:我雖然遷徙遠遠佇列邦中,四散佇列國中,我猶欲佇所到的國,暫時做的聖所。』
17
所以你著講:『主耶和華按呢講:我欲對諸個百姓中招集恁,亦欲對恁四散到的列國中聚集恁,閣欲將以色列地賞賜恁。』
18
欲到遐,亦欲對中間除去一切可惡通怨恨的物。
19
我欲互專一的心,亦欲將新的神下佇恁的內面,閣欲對的肉體中除去彼號親像石的心,賞賜彼號親像肉的心,
20
互順趁我的律例,遵守我的法度來行伊。做我的百姓,我亦欲做的上帝。
21
總是心趁可惡通厭賤者的心彼號人,我欲照所行的報應佇的頭殼頂。這是主耶和華講的。」
22
彼時,兵展開的翅,許個輪亦佇的邊頭;佇的頂面有以色列上帝的榮光。
23
耶和華的榮光對城中上去,歇佇城外東勢的山。
24
神舉起我,佇異象中對上帝的神帶我到迦勒底受掠的人遐;我所看見的異象就離開我上去。
25
我就將耶和華所指示我一切的事,攏講互受掠的人聽。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!