以西結書 第 14 章 - 台語漢字羅馬本

1
有幾若個以色列的長老來我遮,坐佇我的面前。
2
耶和華的話就臨到我講:
3
「人子啊,諸個人已經將的偶像接納佇的心,閣下致到犯罪的塞礙佇家己的面前,我豈欲互伊問嗎?
4
所以你著對講:『主耶和華按呢講:以色列家的中間,見若接納伊的偶像佇伊的心內的人,閣下致到犯罪塞礙佇伊家己的面前,閣來就近先知者,我──耶和華佇伊所求的事,欲照伊的多多偶像來應答伊,
5
致到我通互以色列家心內家己責備,因為攏為著的偶像及我生疏。』
6
「所以你著給以色列家講:『主耶和華按呢講:著回頭!越轉離開恁的偶像,越轉面莫得趁恁一切可惡的事。』
7
因為以色列家的人,抑是佇以色列中寄腳的出外人,見若及我隔斷,接納伊的偶像佇伊的心內,閣下致到犯罪的塞礙佇伊家己的面前,閣來就近先知,欲為家己的事來問我者,我──耶和華欲本身應答伊。
8
我欲向彼號人變面,互伊做人的鑑戒,做話柄,互人卬愕,亦欲對我的百姓中剪除伊;恁就知我是耶和華。
9
先知若迷惑來講一句話,就是我──耶和華迷惑彼個先知,我亦欲伸手攻擊伊,將伊對我的百姓以色列中除滅。
10
欲擔當家己的罪過。先知的罪過及求問伊的人的罪過攏是一樣,
11
通互以色列家無閣行迷路離開我,無閣因為逐樣的罪過拍垃墋家己,獨獨欲做我的百姓,我做的上帝。這是主耶和華講的。」
12
耶和華的話臨到我講:
13
「人子啊,若有國對的悖逆來得罪我,我亦伸手攻擊伊,斷絕伊所倚靠的米糧,互飢荒臨到伊,對中間剪除人及精牲;
14
其中雖然有挪亞、但以理、約伯此三人,只有會因為的義來救家己的生命若定。這是主耶和華講的。
15
我若互惡獸經過彼個地來損壞,互彼所在荒廢,因為諸個獸的緣故,致到無人對遐經過;
16
雖然有此三人佇中間,主耶和華講:我指我的永活來咒誓,救的子查某子,只有本身得著救若定,地方猶原荒廢。
17
抑是我互刀劍臨到彼個地方,講:刀劍啊,你著經過彼個地方,致到我對中間剪除人及精牲;
18
雖然有此三人佇中間,主耶和華講:我指我的永活來咒誓,救的子查某子,只有本身得著救若定。
19
抑是我互瘟疫流行彼個地方,互我傾出滅命的大受氣佇的頂面,通對中間剪除人及精牲;
20
雖然有挪亞、但以理、約伯佇中間,主耶和華講:我指我的永活來咒誓,救的子查某子,只有會因為的義來救家己的生命若定。」
21
主耶和華按呢講:「何況我將我四項的大災禍──就是刀劍、飢荒、惡獸、瘟疫降落佇耶路撒冷,對彼中間剪除人及精牲,豈呣是閣卡救得嗎?
22
看啊,欲有所剩的人留,就是受掠出來的子查某子,看啊,欲出來到恁遮,恁欲看的所行所做,就恁論到我所降落佇耶路撒冷的災禍,就是我一切降落佇頂面的,欲得著安慰。
23
恁看所行所做的,欲受安慰,就知我佇耶路撒冷所行的呣是無緣故。這是主耶和華講的。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!