以西結書 第 19 章 - 台語漢字羅馬本

1
你著為以色列的王親做哀歌,
2
講:恁老母是甚麼?是母的獅,仆佇諸個獅的中間,佇細隻獅的中間養飼伊的子。
3
佇伊的子的中間飼一隻到大,學習咬物來食人。
4
列國聽見就佇的陷坑掠著,用鍊拖伊到埃及地。
5
母的獅看本身聽候到失望,就對伊細隻獅的中間閣取一隻養飼到大。
6
伊佇諸個獅的中間走來走去,成做勇的獅,學習咬物來食人。
7
伊知的宮殿,閣互的城變做拋荒;因為伊噤噤哮的聲,遍地及其中所有的就荒廢。
8
對按呢四圍的邦國對逐省來攻擊伊,用網拋佇伊的頂面;伊受掠佇的陷坑。
9
給伊鍊佇櫥裡,帶到巴比倫王遐,關伊佇堅固的所在,互伊的聲佇以色列山無閣聽見。
10
恁老母前親像葡萄樹,極其茂盛,栽佇水邊。因為水多,就結多多果子,發多多枝;
11
生出嚴硬的枝椏,通做掌權者的柺。伊佇艷艷的枝椏中做極高者,因為高,就伊的椏的中枝挺起,互人看見。
12
總是此欉葡萄樹因為大受氣抵著拔起來佇地裡;東風吹乾伊的果子,嚴硬的枝椏遏折枯焦,互火燒燎去;
13
今栽佇曠野乾燥無水的地。
14
閣對伊枝椏的桿有火發出,燒伊的果子,致到伊無嚴硬的枝椏通做掌權者的枴。這是通哀傷的,通做哀歌。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!