以西結書 第 27 章 - 台語漢字羅馬本

1
耶和華的話閣臨到我講:
2
「人子啊,著為推羅做哀歌,
3
給推羅講:你徛起海口,及列國眾海嶼買賣做生理。主耶和華按呢講:推羅啊,你曾講:我是完全娞者。
4
你的境界佇海中,起造你的互你的娞完全。
5
用示尼珥的松樹做你一切的板,用黎巴嫩的柏香樹做你的船桅,
6
用巴珊的橡樹做你的槳,用基提海嶼的黃楊柴入象牙做你坐的板。
7
用埃及 花的幼苧布做你的篷,做你的旗;用以利沙海嶼藍色、紫色的布做你的涼棚。
8
西頓及亞發徛起的百姓做你的划槳者。你中間的人做你的按舵者。
9
迦巴勒老練者及的人,攏佇恁中間做補船孔者;一切過海的船隻及的水手攏佇你中間經營生理的事。
10
「波斯、路德、弗的人佇你軍營中做戰士;佇你的中間掛盾牌及頭盔,顯明你的娞。
11
亞發人及你的軍隊攏佇你四圍的牆頂,你的守更樓亦有勇士;掛的盾牌佇你四圍的牆壁,成全你的娞。
12
「他施人因為逐樣的財物充足,就做你的客商,帶銀、鐵、錫、鉛,來換你的貨物。
13
雅完人、土巴人、米設人,攏及你交關;用人口及銅器來換你的貨物。
14
陀迦瑪族用馬及戰馬及騾來換你的貨物。
15
底但人及你交關,多多海嶼做你的下盤生理;帶象牙、黑木柴及你交換。
16
亞蘭人因為你的製造充足,就做你的客商;用綠寶石、紫色的布、 花的物、幼苧布、珊瑚,紅寶石來換你的貨物。
17
猶大及以色列地的人攏及你交關;用米匿的麥、餅、蜜、油、乳香來換你的貨物。
18
大馬色人因為你的製造充足,閣因為逐樣的財物充足,就帶黑本的酒及白羊毛及你交關。
19
威但人及雅完人帶線及光的鐵、肉桂、菖浦,佇你的街市換你的貨物。
20
底但人用娞的馬鞍墊及你交關。
21
亞拉伯人及基達一切的領袖攏做你的下盤生理,用羊羔、公的綿羊、山羊及你交關。
22
示巴及拉瑪的生理人及你交關,用逐類上好的香料、逐類的寶石,及黃金來換你的貨物。
23
哈蘭、干尼、伊甸人、示巴的生理人、亞述人、基抹人及你交關。
24
諸個生理人用真好的貨物,藍色 花的布裝歸包,閣有娞的衣服裝佇柏香柴的箱仔內,用索縛伊及你交關。
25
他施的船隻鬥歸幫,給你載貨,你就佇海中富有,極其榮光。
26
你的划槳的已經划你到大水的所在,東風佇海中給你摃破。
27
你的錢財、你的物件、你的貨品、你的水手、你的按舵者、你的塞船孔者、你的經營生理者,以及你中間的戰士及你中間的眾人,佇你敗壞的日攏欲沈佇海中。
28
你按舵者喉叫的聲一下喝,郊野攏欲振動。
29
見若划槳者及水手,及一切過海按舵者,攏欲離開船上岸。
30
欲為你開聲大哭,摻土粉佇頭殼,翱佇火灰中;
31
閣為著你來剃光頭,用麻布縖腰,痛心啼哭,極其悲哀。
32
哀傷的時,為著你做哀歌啼哭你,講:有甚麼城親像推羅?親像伊佇海中成做靜淒淒的啊?
33
你的貨物對海面上山,就互多多百姓充足;你用多多錢財、貨物,互地上的君王好額。
34
你佇深水中互海湧撞破的時,你的貨物及你中間一切的眾人,就攏沈落去。
35
海嶼徛起的百姓為著你卬愕;的君王攏真驚,面帶憂容。
36
列國的生理人攏欲出譏刺的聲;你互人通驚;你無通閣佇直到永遠。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!