以西結書 第 28 章 - 台語漢字羅馬本

1
耶和華的話閣臨到我講:
2
「人子啊,你著對推羅的君王講,主耶和華按呢講:因為你心內驕傲,你亦講:我是一個上帝;我佇海中坐上帝的位。你雖然存心家己掠做是上帝,其實你是人,呣是上帝!
3
看啊,你比但以理卡有智慧,無一項秘密的事對你隱密。
4
你倚靠家己的智慧聰明得著財寶、得著金銀,收佇你的庫房。
5
你倚靠家己的大智慧及生理加添你的好額,亦你的心為著你的好額來驕傲。
6
所以主耶和華按呢講:因為你存心家己掠做是上帝,
7
看啊,所以我欲帶外邦人,就是列國中強暴的人來你遮;欲拔刀攻擊你對智慧所得著的好物,拍垃墋你的榮光。
8
欲互你落深坑;你欲死佇海中,親像受的人的死一樣。
9
佇你的人的面前,你猶未講「我是上帝」嗎?其實你佇死你的人的手,不過是人,呣是上帝。
10
你欲死佇外國人的手中,親像未受割禮的人的死一樣,因為我有講伊。這是主耶和華所講的。」
11
耶和華的話臨到我講:
12
「人子啊,你著給推羅王做哀歌,對伊講主耶和華按呢講:你無所呣齊備,智慧充足,完全娞。
13
你曾佇伊甸上帝的園內,用逐樣的寶石做你的妝飾,就是紅寶石、黃玉及金剛石、青玉、紅瑪瑙、及碧玉、藍玉、綠寶石、及赤玉、及黃金;閣你鼓及簫佇你遐製造,當你受造的日,就攏齊備。
14
你是彼個受抹油遮蓋的兵;我安置你佇上帝的聖山;你往來佇出火的石的中間。
15
你對受造的日所行攏完全,直到尋著不義佇你的中間。
16
因為你生理真大,人就用強暴充滿佇你的中間,致到你犯罪,因為按呢,我看你親像污穢,就對上帝的山趕逐你。遮蓋的兵啊,我已經將你對出火的石的中間除滅。
17
你因為娞,心中驕傲,閣因為你的榮光敗壞你的智慧,我已經捙倒你佇地裡,互你倒佇君王的面前,互看見。
18
你因為罪過真多,做生理無公道,你拍垃墋你許個聖所。所以,我互火對你中間出,來燒滅你,互你佇所有看見的人的目睭前變做地上的火灰。
19
眾百姓的中間,見若識你的人,攏欲為著你來卬愕。你互人通驚,永遠無通閣佇。」
20
耶和華的話臨到我講:
21
「人子啊,你的面著向西頓對伊宣傳講,
22
主耶和華按呢講:西頓啊,看啊,我及你做對敵,我的確佇你中間得著榮光。我佇伊中間行審判,顯明我做聖的時,就知我是耶和華。
23
我亦欲互瘟疫,及流血的事入伊的街路。著傷者倒佇伊的中間,四圍有刀劍攻擊伊,就知我是耶和華。」
24
「四圍平素看輕以色列家的人,以後無閣向做鑿人的茦,互人艱苦的草茦,就知我是主耶和華。」
25
主耶和華按呢講:「我聚集以色列家對所四散去的百姓中,對顯明我做聖佇列國人的目睭前,彼時欲徛起佇本所在,就是我所賞賜我的奴僕雅各的地。
26
欲安然徛起佇彼中間。我已經行審判佇四圍看輕的人,彼時欲起厝,栽種葡萄園,安然徛起,就知我是耶和華──的上帝。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!