以西結書 第 29 章 - 台語漢字羅馬本

1
第十年十月十二,耶和華的話臨到我講:
2
「人子啊,你的面著向埃及王法老宣傳來攻擊伊以及埃及全地,
3
你著傳講,主耶和華按呢講:看啊,埃及王法老啊,我做你的對敵,你就是大鱷魚倒佇家己的江河中。你曾講:我的河是我的,我為家己來造的。
4
我欲用住你的牙槽,閣互你江河中的魚敆住佇你的鱗;我欲將你及所敆住佇你的鱗的魚,對江河中拖出來。
5
我欲將你及你江河中的魚攏佇曠野;你欲倒佇田裡,無拾做堆,無收拾。我將你互地上的野獸、空中的飛鳥做食物。
6
「埃及徛起的百姓,攏欲知我就是耶和華,因為對以色列家曾做蘆葦的枴仔。
7
用手抬你,你 開,傷著的肩頭;倚你,你折去,閃著的腰。
8
所以主耶和華按呢講:看啊,我欲互刀劍臨到你,對恁中間剪除人及精牲。
9
埃及地欲荒廢冷靜,就知我是耶和華。「因為伊家己講:『此個河是我的,是我造的』,
10
看啊,我及你以及你的江河做對敵,互埃及地,對色弗尼的塔直到古實的交界,全然荒廢冷靜。
11
人的腳無對遐過,獸的腳也無對遐過,歷過四十年久無人徛起。
12
我欲互埃及地佇冷靜的地成做冷靜,伊的城佇荒廢的城中變做荒廢,歷過四十年。我也欲將埃及人分散佇列國,四散佇列邦。」
13
主耶和華按呢講:「滿四十年,我欲招集埃及人對所四散去的列國來。
14
我欲互埃及受掠者倒來,互倒來的本地巴忒羅。佇遐欲成做微細的國,
15
欲做列國中第一微細者,亦無閣自高佇列國的頂面。我欲減少,致到無管轄列國。
16
伊的確無閣做以色列家所倚靠者;所越頭來仰望的,免得我記得的罪。就知我是主耶和華。」
17
二十七年正月初一,耶和華的話臨到我講:
18
「人子啊,巴比倫王尼布甲尼撒互伊的軍兵大大著磨,攻擊推羅,致到逐個頭殼無毛,肩頭翏皮;總是伊及伊的軍兵對佇推羅,攏無得著工錢,來報答伊大大著磨的攻擊。
19
所以主耶和華按呢講:看啊,我欲將埃及地賞賜巴比倫王尼布甲尼撒;伊欲掠伊的眾百姓,搶伊所搶的物,劫伊所劫的物,這就通做伊的軍兵的工錢。
20
我將埃及地互伊,報答伊所著磨者,因為替我做工。這是主耶和華講的。
21
「當彼日,我欲互一支角為著以色列家發出,閣欲互你開嘴佇中間;就知我是耶和華。」

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!