以西結書 第 34 章 - 台語漢字羅馬本

1
耶和華的話臨到我講:
2
「人子啊,你著宣傳攻擊以色列諸個牧者,你著宣傳來對,講,主耶和華對諸個牧者按呢講:災禍啊!以色列諸個牧者因為養飼家己。牧者豈呣應該養飼羊群嗎?
3
恁食伊的油、穿伊的毛、伊的肥者,也無養飼羊群。
4
軟弱者,恁無顧互伊勇;破病者,恁無給伊醫治;受傷者,恁無給伊包;受趕逐者,恁無導伊倒來;失落者,恁無尋伊;獨獨用強暴嚴嚴的管轄。
5
因為無牧者,羊就四散;已經四散,就做一切野獸的食物。
6
我的羊四界行佇諸個山裡,佇逐個高的山頂,四散佇全地,無人去追,無人去尋。
7
「所以,恁諸個牧者著聽耶和華的話。
8
主耶和華講:我指我的永活來咒誓,我的羊因為無牧者就成做受搶的物,羊也做一切野獸的食物。也我的牧者無尋我的羊;諸個牧者因為養飼家己,無養飼我的羊。
9
所以恁諸個牧者著聽耶和華的話。
10
主耶和華按呢講:我及牧者做對敵,欲對的手追討我的羊,互無閣養飼羊群;牧者也無閣養飼家己。我欲救我的羊脫離的嘴,無閣做的食物。」
11
「因為主耶和華按呢講:看啊,我,我欲本身尋我的羊,來尋著伊。
12
牧者佇羊群四散的日怎樣尋伊的羊,我也欲親像按呢尋我的羊。諸個羊佇密雲黑暗的日四散到逐所在,我欲對遐救倒來。
13
我欲對列國中導出,對逐國的內面聚集,導倒來的本所在,也欲佇以色列山諸個溪邊、境內一切通徛起的所在,來養飼。
14
我欲佇好好的草場養飼。的羊 欲佇以色列高位的山,欲佇好好的羊 內倒睏,也佇以色列山肥娞的草場食草。
15
主耶和華講:我欲本身養飼我的羊,互倒睏。
16
失落者,我欲尋伊;受趕逐者,我欲導伊倒來;受傷者,我欲包伊;破病者,我欲醫治伊;獨獨肥者,勇者,我欲除滅伊,也欲秉公養飼。
17
「我的羊群啊,論到恁,主耶和華按呢講:我欲佇羊及羊的中間,公的綿羊及公的山羊的中間行判斷。
18
你佇好好的草場食草,猶掠做小可事嗎?剩的草,恁竟然用腳睭踏伊;恁飲清的水,剩的,恁竟然用腳拍濁伊。
19
論到我的羊,是食恁用腳踏的,飲恁用腳拍濁的。
20
「所以,主耶和華對按呢講:看啊,我本身佇肥的羊及瘦的羊的中間行判斷。
21
因為恁用身軀用肩頭夾,用恁的角觸破病者,致到互四散佇外面。
22
所以,我欲拯救我的羊群,無閣做受搶的物;我亦欲佇羊及羊的中間行判斷。
23
我欲設立一個牧者照顧,伊欲養飼,就是我的奴僕大衛。伊欲養飼,做的牧者。
24
我──耶和華欲做的上帝,我的奴僕大衛欲佇的中間做首領。這是我耶和華講的。
25
「我欲及立平安的約,互惡獸對境內斷絕,就欲安然徛起佇曠野,睏佇樹林內。
26
我欲互及我的山四圍的所在成做福氣的源頭,我亦欲照時落雨,欲有施福氣的大雨。
27
田野的樹欲結果子,地也欲出產;欲安然徛起佇本所在。我遏折所背的軛,救脫離彼個掠做奴才的人的手;彼時,就知我是耶和華。
28
無閣做外邦人所搶的物,地上的野獸也無閣吞食;是欲安然徛起,無人互驚惶。
29
我欲給興起一個出名栽種的所在;佇境內無閣互飢荒所滅,也無閣受著外邦人的凌辱。
30
欲知我、耶和華─的上帝是及佇,也知─以色列家是我的百姓。這是主耶和華講的。
31
恁是我的羊,是我草場的羊,恁是人,我也是恁的上帝。這是主耶和華講的。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!