以西結書 第 7 章 - 台語漢字羅馬本

1
耶和華的話閣臨到我講:
2
「人子啊,主耶和華對以色列地按呢講:結局到啦!此個地的四境結局到啦!
3
今你的結局已經到啦,我欲互我的受氣到佇你,亦欲照你的所行審判你,照你一切可惡的事報應你。
4
我的目睭無欲保惜你,我亦無欲可憐你,是欲照你的所行報應你,你可惡的事欲歸佇你中間。恁就知我是耶和華。
5
「主耶和華按呢講:有災禍,非常的災禍;看啊,欲到啦!
6
結局到啦!結局到啦!起來攻擊你。看啊,到啦!
7
境內徛起的百姓啊,所定著的災禍欲臨到你,時期到啦,日子近啦,就是嘩嘩嚷,呣是山頂歡喜的聲的日。
8
我欲緊緊傾出我的大受氣佇你,閣一盡成我的受氣佇你,照你的所行審判你,照你一切可惡的事報應你。
9
我的目睭無欲保惜你,我亦無欲可憐你,欲照你的所行報應你,你可惡的事欲歸佇你中間。恁就知拍恁者是我耶和華。
10
「看啊,看啊,日子已經到啦,所定著的災禍已經發出。枴仔已經開花,驕傲已經發芽。
11
強暴興起,成做刑罰歹的枴仔。無去,眾人亦無去,的財寶也無去,中間無人得著尊貴。
12
時期到啦,日子近啦,買的人莫得歡喜,賣的人莫得煩惱,因為大受氣已經到佇眾人。
13
賣者雖然猶活,也倒轉到伊所賣者,因為此個異象關係眾人。攏倒轉來,亦無人會對伊的歹所行來堅固伊的活命。」
14
「已經歕哨角,備辦齊備,總是無人出去交戰,因為我的大受氣臨到眾人。
15
佇外面有刀劍,佇內面有瘟疫、有飢荒;佇田野者,欲對刀劍來死;佇城內者,飢荒及瘟疫欲吞滅伊。
16
其中脫離者欲脫離,逐人因為伊的罪過佇山裡出悲哀的聲,親像山谷中的鳩鵻。
17
手攏酸,腳頭窩軟親像水。
18
欲用麻布縖腰,驚惶欲遮蓋伊;逐人面見誚,頭殼無半支毛。
19
欲的銀佇街路,看金親像污穢的物。當耶和華受氣的日,的金銀會救,會互的心知足,亦會互的腹肚飽,因為這有絆倒佇罪惡中。
20
論到伊妝飾的娞,是伊互伊得著威風,就用伊來妝通怨恨的物,通厭賤的偶像,所以我互看親像污穢的物。
21
我欲將伊交佇外邦人的手,做伊所搶的物,交付地上的歹人做賊贓;亦欲拍垃墋伊。
22
我欲越轉我的面無看,欲拍垃墋我機密的所在,強猛的賊也欲入去拍垃墋。
23
「著造鐵鍊;因為此所在滿滿流血的罪,城內充滿強暴的事,
24
我欲互外邦第一歹者來霸佔的厝宅;我欲互強暴的人的驕傲息,的聖所拍垃墋。
25
毀滅近啦,欲求平安,亦得著。
26
欲有災禍加添災禍,風聲續接風聲;欲對先知求異象,總是祭司的律法,長老的計劃攏欲斷絕。
27
國王欲悲哀,王親欲冷靜,百姓的手愕愕惙。我欲照的所行款待,照應該受的審判,來審判,就知我是耶和華。」

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!