創世記 第 11 章 - 台語漢字羅馬本

1
彼時,天下的口音、言語攏一樣。
2
徙去東勢的時陣,佇示拿地抵著一片的平洋,就住佇遐。
3
大家參詳講:「來啊!咱著做磚,燒互伊熟。」有磚通替石,閣有石油通替灰土。
4
閣講:「來啊!咱著起城及塔,塔頂抵天,為咱立一個名,免得咱四散佇全地。」
5
耶和華降臨,欲看世間人所起的城及塔。
6
耶和華講:「看啊!諸個百姓攏合一,言語亦一樣,現今已經起手做此個事,以後所欲做的無一項會禁止。
7
來啊!咱落來去,佇遐拍亂的口音,互的言語大家相通。」
8
對按呢耶和華互對遐四散佇全地;就停工,無起彼個城。
9
所以彼個城名叫巴別,因為耶和華佇遐拍亂天下的言語,耶和華互人對遐四散佇全地上。
10
閃的世系記佇下底。閃一百歲,大水以後二年,生亞法撒。
11
閃生亞法撒了後猶活五百年,閣有生子查某子。
12
亞法撒三十五歲生沙拉。
13
亞法撒生沙拉了後猶活四百連三年,閣有生子查某子。
14
沙拉三十歲,生希伯。
15
沙拉生希伯了後猶活四百連三年,閣有生子查某子。
16
希伯三十四歲,生法勒。
17
希伯生法勒了後猶活四百三十年,閣有生子查某子。
18
法勒三十歲,生拉吳。
19
法勒生拉吳了後猶活二百連九年,閣有生子查某子。
20
拉吳三十二歲,生西鹿。
21
拉吳生西鹿了後猶活二百連七年,閣有生子查某子。
22
西鹿三十歲,生拿福。
23
西鹿生拿福了後猶活二百年,閣有生子查某子。
24
拿福二十九歲,生他拉。
25
拿福生他拉了後猶活一百十九年,閣有生子查某子。
26
他拉七十歲,生亞伯蘭、拿福、哈蘭。
27
他拉的世系記佇下底。他拉生亞伯蘭、拿福、哈蘭;哈蘭生羅得。
28
哈蘭死佇伊的老父他拉的面前,佇伊的本地迦勒底的珥城。
29
亞伯蘭、拿福各有娶某:亞伯蘭的某名叫撒萊;拿福的某名叫密迦,是哈蘭的查某子;哈蘭是密迦的老父,亦是以斯迦的老父。
30
撒萊無懷孕,無子。
31
他拉導伊的子亞伯蘭及伊的孫羅得就是哈蘭的子,以及伊的媳婦撒萊就是伊的子亞伯蘭的某,相及出迦勒底的珥城,欲去迦南地;到哈蘭就住佇遐。
32
他拉享壽二百連五歲,他拉死佇哈蘭。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!