創世記 第 9 章 - 台語漢字羅馬本

1
上帝賜福挪亞及伊的子,亦對講:「恁著生湠多多,充滿地上。
2
見若地上的走獸及天裡的鳥攏欲驚恁,畏恁,連地上一切的蟲及海裡一切的魚攏交付恁的手。
3
見若活的動物攏做恁的食物。諸個一切我攏互恁,親像互恁菜蔬一樣。
4
獨獨有活命的肉,就是有含血的,恁呣通食。
5
流恁的血,就是流恁活命的血的罪,我欲討伊,我欲對各樣走獸討,亦欲對人的手,以及逐人兄弟的手,來討人的活命。
6
見若互人流血者,人也欲互伊流血,因為上帝造人是親像伊家己的像。
7
恁著生湠多多,佇地面上著興旺,加添真多。」
8
上帝給挪亞及伊的子講:
9
「我,我及恁以及恁的後裔立我的約。
10
亦及許個及恁佇一切的活物──就是及恁佇的飛鳥、精牲一切走獸,見若對大船出來地上一切的走獸──立約。
11
我及恁立我的約,見有肉體的,無閣互大水滅無,亦無閣有大水毀壞土地。」
12
上帝講:「我及恁亦及許個及恁佇逐樣的活物所立永世代的約是有記號。
13
我將我的虹下佇雲裡,通做我及地立約的記號。
14
以後我互雲起遮地的時,欲有虹出現佇雲裡。
15
我就記念我及恁以及逐樣有肉體的活物所立的約,水無閣氾濫損壞一切有肉體的物。
16
虹欲出現佇雲裡,我欲看伊,互我記念上帝及地上逐樣有肉體的活物所立永遠的約。」
17
上帝對挪亞講:「這就是我及地上一切有肉體的物所立的約的記號。」
18
挪亞的子出大船的就是閃、含、雅弗。含是迦南的老父。
19
此三個是挪亞的子,對遍滿全地。
20
挪亞起手做農夫,栽種葡萄園。
21
飲彼個酒來醉,佇布棚內褪裼裼。
22
迦南的老父含看老父褪裼,去外面給二個兄弟講。
23
閃及雅弗提一領衫靠佇的肩頭,倒退行來遮老父的褪裼;的面向出無看見老父的褪裼。
24
挪亞酒醉醒,才知第二子的所做。
25
就講:迦南著受咒詛,伊欲做伊的兄弟奴僕的奴僕;
26
閣講:著謳咾耶和華──閃的上帝!迦南做閃的奴僕。
27
願上帝互雅弗發展,互伊住佇閃的布棚;迦南亦做伊的奴僕。
28
大水了後,挪亞猶活三百五十年。
29
挪亞計共享壽九百五十歲才死。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!