希伯來書 第 7 章 - 台語漢字羅馬本

1

因為此個麥基洗德就是撒冷王，也是至高上帝的祭司。早抵著亞伯拉罕贏諸個王倒來的時，給伊祝福的。

2

亞伯拉罕亦將一切所得著的，抽十份一互伊。伊的名翻譯就是義的王，閣是撒冷王，就是平安王。

3

伊無父，無母，無世系，無時日的起頭，無活命的路尾，是親像上帝的子久長做祭司。

4

試想，先祖亞伯拉罕將所得著上等的物抽十份一互伊，就彼人尊貴到怎樣！

5

今利未的子孫擔當祭司的職的，雖然及百姓攏是亞伯拉罕的後裔，平平是兄弟，猶久奉命令，照律法對百姓提十份一。

6

總是彼個，無屬利未的世系的，曾對亞伯拉罕提十份一，閣給得著諸個應允的祝福。

7

獨獨序細互序大祝福，這是無通辯駁。

8

今佇遮提十份一的攏是會死的人；若是佇遐是彼個有受干證講，伊是活的；

9

閣也會講得連提十份一的利未，也曾在佇亞伯拉罕來納十份一。

10

因為麥基洗德抵著亞伯拉罕的時，利未猶久佇祖的身軀。

11

早百姓受律法是佇利未族祭司的職任下，若對伊會得著完全，就乜使另外閣興起一個祭司，照麥基洗德的班列，無講照亞倫的班列啊？

12

因為祭司的職已經改換，就律法亦的確著改換。

13

因為諸個話所指的是屬佇別個支派，中間未曾有人跟隨佇祭壇。

14

是咱的主明明對猶大出；論此個支派，摩西未曾提起祭司的職。

15

閣若照麥基洗德的款式，有興起別個祭司。

16

呣是照肉體誡命的法來設立，是照毀壞的活命的權能，就頂面所講的理嶄然卡明。

17

因為有干證伊講：「你永永做祭司照麥基洗德的班列。」

18

因為前的誡命，廢無，是為著伊的軟弱及無利益，

19

（因為律法無做一項到完全）才設立閣卡好的向望；就是咱所對伊來親近上帝的。

20

閣因為伊呣是無對咒誓來設立。

21

許個立做祭司，無對咒誓，獨獨此個就對咒誓；因為設立伊的有給伊講：「主咒誓，無退悔，你永永做祭司。」

22

親像按呢，耶穌做閣卡好的約的保認。

23

許個做祭司的，因為互死阻隔，會久長，所以著真多人。

24

獨獨此個因為永永佇，有改換的祭司職。

25

所以凡若對伊就近上帝的人，伊會救到完全；因為伊長長活，來替祈求。

26

因為此號的祭司頭合咱的欠用，伊是聖、無歹、無垃墋、離開罪人，成做卡高諸個天。

27

伊呣免親像許個祭司頭，著日日代先為著家己的罪，後來為著百姓的罪，來獻祭；因為伊獻本身，就做一下成此個事。

28

因為律法設立軟茈的人做祭司頭；獨獨律法後咒誓的話，設立子永遠做完全的祭司頭。