何西阿書 第 10 章 - 台語漢字羅馬本

1
以色列是茂盛的葡萄樹,伊結伊的果子。伊的果子結愈多,就起祭壇愈多;土地愈肥,就造柱像愈娞。
2
存二樣的心,今欲受定罪。耶和華欲拆的祭壇,毀的柱像。
3
因為今欲講:阮無王,因為阮無敬畏耶和華。王會替阮做甚麼?
4
講白賊話,濫糝咒誓立約;所以,審判發起親像園溝的茵蔯。
5
撒瑪利亞徛起的百姓欲因為伯亞文的牛仔驚惶;因為伊許個百姓欲為著伊憂悶,伊的祭司為著伊的榮光無去,也欲愕愕惙。
6
伊欲互人帶到亞述做禮物,來送互耶雷布王。以法蓮欲受凌辱;以色列欲為著家己的計謀來見誚。
7
論到撒瑪利亞,伊的王滅無,親像水面的沫一樣。
8
亞文的山頭──以色列的罪,欲抵著毀滅;莿帕及蒺藜欲發佇許個壇頂。欲對大山講:蓋阮!對小山講;壓阮!
9
以色列啊,你對基比亞的日以來就犯罪。佇遐徛,免得佇基比亞攻擊不義的人的交戰到佇。
10
我有注意的時就欲責罰伊。互二項罪把縛的時;列邦欲聚集來攻擊。
11
以法蓮是快上教母的牛仔,愛踏五穀的,我用軛掛佇伊肥娞的頷頸,我欲互以法蓮拖車。猶大欲犁田;雅各欲耙鬆田土。
12
恁著為家己用公義撒種,照仁慈來收割。開墾拋荒的地;因為這是尋求耶和華的時,聽候伊來,用公義親像雨降落佇恁。
13
恁曾種作奸惡,收成罪過,食白賊的果子。因為倚靠家己的所行,也倚靠你多多的勇士。
14
所以佇你的百姓中欲興起擾亂,你攏總的衛所欲受拆毀,是親像沙勒幔佇交戰的日拆毀伯亞比勒,彼時做老母的及的子做一下受摔死。
15
伯特利也欲按呢款待恁,因為恁的大歹。到天光,以色列王決斷欲滅無。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!