何西阿書 第 12 章 - 台語漢字羅馬本

1
以法蓮食風,閣追東風,日日加添白賊及強暴,及亞述立約,用油送到埃及。
2
耶和華及猶大辯論,欲照雅各所行的責罰伊,照伊所做的報應伊。
3
伊佇胎裡擒住伊的兄的腳後,壯年的時及上帝鬥力,
4
及天使鬥力,閣得著卡贏,啼哭懇求伊,佇伯特利抵著伊。伊佇遐及咱講話,
5
耶和華──就是萬軍的上帝;耶和華是伊的名。
6
所以你著歸向你的上帝,執守仁愛、公平,常常聽候你的上帝。
7
伊是生理人,手抬無公道的秤,愛用欺騙。
8
以法蓮講:我實在好額,已經得著財寶;佇我所著磨得著的,無通尋著我有不義,來算做罪。
9
對你出埃及地的時,我做你的上帝──耶和華;我欲互你閣徛起佇布棚,親像佇大會的日一樣。
10
我曾對諸個先知講,閣加添異象,我也託先知設譬喻。
11
基列無罪嗎?全然是虛假者。佇吉甲獻牛仔做祭,的祭壇親像田裡犁畷的成堆。
12
早前雅各走到亞蘭地,以色列因為欲得著某來服事人,因為欲得著某來飼羊。
13
耶和華閣用一個先知導以色列出埃及;也用一個先知保全伊。
14
以法蓮惹著大受氣,所以伊互人流血的罪欲歸佇伊。以法蓮所行凌辱主的事,主欲報應伊。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!