以賽亞書 第 13 章 - 台語漢字羅馬本

1
亞摩斯的子以賽亞,所看見論巴比倫的默示。
2
恁著佇光裸裸的山 大旗,對出聲拽手,互入貴族的門。
3
我吩咐我所揀出來的人;我已經為著我的受氣,來召我的勇士──就是許個品嗙自高的人。
4
山裡有多多人的聲,親像大陣的百姓。有多多國的百姓聚集嘩嘩哮的聲;這是萬軍的耶和華點齊軍隊,欲交戰。
5
對遠的所在來,對天邊來,就是耶和華及行伊的受氣的家私欲毀滅此個全地。
6
恁著哀哭,因為耶和華的日子近啦!親像毀滅對全能者來。
7
所以,攏總的手欲軟落去;眾人的心欲消溶。
8
欲驚惶;痛疼艱苦欲擒著。攪絞,親像欲生子的婦仁人,蛟大家卬愕相看,面親像火焰的面。
9
看啊,耶和華的日臨到,欲有殘忍、痛恨、大受氣,互此個地拋荒,對彼中間除滅有罪的人。
10
天頂的眾星列宿攏無發出光;日頭抵仔出就變黑暗;月亦無發出伊的光。
11
我欲因為邪惡刑罰世界,因為罪孽刑罰歹人,互驕傲的人的濫糝息去,壓制強暴的人的自高。
12
我欲互人比好金卡少,互人比俄斐的金卡少。
13
所以,我欲互天振動,互地搖泏,離開伊的本位,就是佇萬軍的耶和華的痛恨及伊大受氣的日。
14
欲親像受追趕的鹿,親像無人聚集的羊,逐人倒去本族,逐人逃走到本所在。
15
見若互伊抵著的欲受鑿;見若互伊掠著的欲互刀死。
16
的嬰仔欲佇的目前互人摔死;的厝欲互人搶奪;的某欲互人凌辱。
17
我欲激動米太人來攻擊。無對重銀,亦無愛揲金。
18
的弓欲拍死伊的少年人,無憐憫婦仁人的胎孕,的目睭也無可憐囝仔。
19
巴比倫平素做列國的榮光,做迦勒底人驕傲的妝飾,欲親像所多瑪、蛾摩拉互上帝所毀壞。
20
伊的內面的確永永無人住,代代無人徛起。亞拉伯人無佇遐搭布棚;顧羊的人亦無互羊群倒佇遐。
21
只有曠野的走獸倒佇遐;噤噤哮的獸滿厝間。駝鳥踮佇遐;野山羊佇遐跳舞。
22
豺狼欲哮佇伊的營盤;山狗欲哮佇伊宴樂的宮殿;伊的時近啦;伊的日子無久長。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!