以賽亞書 第 22 章 - 台語漢字羅馬本

1
論異象的山谷的默示:有甚麼代誌互你的百姓攏上厝頂啊?
2
你滿四界喝喊、大大喧嘩的城,歡喜的城啊,你中間受者呣是互刀,亦呣是為著交戰來死。
3
你所有的官長做一下逃走,攏互抬弓的人所捆縛。恁中間一切互人尋著的做一下受捆縛;本是走去遠遠的。
4
所以我講:恁越走無看我,我欲痛心啼哭。莫得因為我的百姓受毀壞,來勉強安慰我。
5
因為主──萬軍的耶和華互「異象的山谷」有攪擾、 踏、迷亂的日。城抵著攻破,哀叫的聲透到山間。
6
以攔帶箭袋,閣有載兵的車及馬兵;吉珥提出盾牌。
7
你娞的山谷戰車滿滿,亦有馬兵佇城門前排列。
8
伊除去猶大的遮截。彼日,你就查看軍藏局的軍器。
9
恁看見大衛的城的破隙真多,就積聚下池的水,
10
閣算耶路撒冷的厝宅,將厝拆毀來修補城牆,
11
閣佇二個牆的中間開一個潭來貯舊池的水,總是恁無仰望做伊的,也無想著對古早成伊的。
12
當彼日,主──萬軍的耶和華教人啼哭哀傷,剃頭毛,縖麻布。
13
看啊,有歡喜快樂,牛倒羊,食肉飲酒,講:做咱食做咱飲!因為明仔日欲死啦。
14
萬軍的耶和華對我的耳孔指示我講:恁此個罪決斷赦免得,直到恁死!這是主──萬軍的耶和華講的。
15
主──萬軍的耶和華按呢講:「去啊,你去見此個掌庫房的,就是管家的舍伯那,對伊講:
16
『你佇遮啥事?你佇遮有甚麼人,互你佇遮為著家己拍墳墓,伊佇高的所在為家己拍墳墓,為家己佇石磐造一個徛起的所在?
17
看啊,耶和華欲親像大力的人,盡力給你去,也欲給你包密密。
18
伊欲將你捲成一捲,佇開闊的所在,親像球。你做主人的家的凌辱者,欲死佇遐,你榮光的車也欲佇遐。
19
我欲革你的職; 你的位。』
20
「到彼日,我欲召我的奴僕希勒家的子以利亞敬來,
21
我欲將你的外袍互伊穿,將你的腰帶互伊縖,將你的政事的權交伊的手。伊欲做耶路撒冷徛起的百姓及猶大的家的父。
22
我欲將大衛的家的鏇匙下佇伊的肩頭。伊開,就無人會關;伊關,就無人會開。
23
我欲建立伊,親像釘釘佇堅固的所在;伊欲給伊的老父的家做榮光的座位。
24
人欲將伊的老父的家諸個榮光,子及孫,凡若器具的細的,對盤到瓶的器具,攏吊佇伊的頂面。
25
萬軍的耶和華講:當彼日,釘佇堅固的所在的釘欲垂落去,欲受剉斷磕落去;吊佇伊的頂面的物欲無去。因為這是耶和華講的。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!