以賽亞書 第 28 章 - 台語漢字羅馬本

1
災禍啊!以法蓮的醉漢,驕傲的冕旒,及伊娞的妝飾謝的花,就是戴佇許個互酒所困苦者,的肥的山谷的頭。
2
看,主有一個大權能大氣力者,親像一陣的大雹,親像毀滅的狂風,親像洶流的大水,伊欲用大力伊佇地裡。
3
以法蓮的醉漢,驕傲的冕旒欲受踏佇腳下。
4
伊娞的妝飾謝的花,就是佇肥的山谷的頭,欲親像夏天以前起頭熟的無花果;見若看見的就注意看,一下到手就吞落去。
5
當彼日,萬軍的耶和華欲做伊許個所剩的百姓榮光的帽、娞的冕旒。
6
亦做坐位來審判者公義的神,亦做城門口拍退對敵者的氣力。
7
獨獨此號人對酒來差謬,對厚酒來迷路。祭司及先知攏對厚酒來差謬,互酒所吞食,對厚酒來迷路。對佇默示就差錯,對佇審判無平穩。
8
因為逐塊桌垃墋吐到滿滿,無一位清氣。
9
伊欲用智慧教示是誰啊?欲互是誰明白所傳的啊?是彼號抵仔斷奶離開胸前的嗎?
10
因為命令閣命令,命令閣命令,律例閣律例,律例閣律例,此位淡薄,彼位淡薄。
11
啦,主欲用別樣的嘴唇及無像類的舌,對此個百姓講話。
12
伊曾對講:此個就是安息,恁著互厭倦的人得著安息,閣講此個就是快活,總是呣肯聽。
13
所以,耶和華對講的話,是命令閣命令,命令閣命令,律例閣律例,律例閣律例,此位淡薄,彼位淡薄,致到去就向後跋倒,閣跋到碎碎,陷落羅網受掠著。
14
所以,恁諸個侮慢的人,就是管轄踮佇耶路撒冷諸個百姓者,著聽耶和華的話。
15
因為恁曾講:阮及死無立約,及陰府結盟;災禍大流行的時的確無到佇阮,因為阮用白賊做閃避的所在,佇虛假的所在家己匿。
16
所以,主耶和華按呢講:看啊,我佇錫安下一塊石做地基,是已經試驗的石,堅固的地基,寶貴的厝角;倚靠伊的人的確無著急。
17
我欲用公平做準繩,用公義做墜線,冰雹欲拍倒虛假閃避的所在;大水欲淹密閃匿的所在。
18
恁及死無所立的約的確廢無,及陰府所結的盟的確徛住。災禍大流行的時恁欲受伊 踏;
19
逐擺經過欲將恁掠去。因為逐早起伊欲經過,無閬日暝。明白所傳的干單驚惶。
20
眠床短,互人伸直;棉被狹,互人蓋密。
21
因為耶和華欲起來,親像佇毗拉心山;伊欲受氣,親像佇基遍的山谷,通做伊的工,就是罕得做的工;通成伊的事,就是奇異的事。
22
今恁呣通侮慢,驚了縛恁的索捆卡緊;因為我對主──萬軍的耶和華聽見,已經決斷欲佇全地上行所定著滅無的事。
23
恁著俯耳孔聽我的聲,留心聽我的話。
24
彼個犁園欲撒種的,豈是常常犁嗎?豈是常常掘來耙伊的土嗎?
25
伊已經創平土面,豈無撒八角,栽花麻,照畷種小麥,佇定著的所在種大麥,佇園邊種粗麥嗎?
26
因為伊的上帝用合宜的法度指點伊,閣教示伊。
27
八角呣是用利的器具拍的,麻芹呣是用車輪碖的,就是用槌仔拍八角,用枴仔拍花芹。
28
做餅的五穀豈夾互伊碎嗎?無啦,無長長拍伊;雖然用車輪、馬蹄拍散伊,亦無互伊碎去。
29
這亦出佇萬軍的耶和華──伊的計劃奇妙;伊的智慧闊大。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!