以賽亞書 第 33 章 - 台語漢字羅馬本

1

災禍啊！你此個搶奪人者，家己無受搶奪；行代誌詭詐者，人無用詭詐款待你。你搶奪抵仔息，家己欲受搶奪；你行詭詐抵仔息，人欲用詭詐款待你。

2

耶和華啊，求你施恩互阮；阮聽候你。求你逐早起做阮的手，抵著患難的時做阮的拯救。

3

喧嘩的聲一下發，眾百姓逃走；你一下起來，列國四散。

4

恁所搶的欲互人收拾，親像剪仔蟲的收拾物。人走去遐，親像草蜢跳來跳去。

5

耶和華受尊做高，因為伊踮佇高的所在；伊用公平公義充滿錫安。

6

你一生一世欲得著安穩--，有豐盛的救恩，及智慧及知識；敬畏耶和華做你的寶貝。

7

看啊，的豪傑佇外面哀傷；求和的使者痛心啼哭。

8

大路拋荒，攏無人過路；伊背約，看輕諸個城，無要緊百姓。

9

地上悲哀衰退；黎巴嫩見誚枯焦；沙崙親像曠野；巴珊及迦密的樹木落光光。

10

耶和華講：今我欲起來；今我欲興起；今我欲家己高。

11

恁懷孕粗糠，來生稻稿；恁的氣欲親像火來吞滅恁。

12

列邦欲親像已經燒的石灰，親像已經割的莿帕受燒佇火中。

13

恁遠的人著聽我所行的；恁近的人著知我的大權能。

14

錫安中的罪人攏驚惶；無敬虔的人欲直直惙。咱中間是誰會及吞滅的火相及住？咱中間是誰會及永遠的燒毀相及住啊？

15

行代誌公義、講話正直、怨恨勒索的財利、搖手無受賄賂、塞密耳孔無聽流血的話，瞌目睭無看歹代者，

16

伊欲踮佇高的所在；堅固的石磐做伊的衛所；欲有米糧供給伊；伊的水的確絕斷。

17

你的目睭欲看見王的娞，欲看見開闊的地。

18

你的心欲數念彼個驚惶的事，管數者佇叨落？秤貢銀者佇叨落？算守更樓者佇叨落？

19

你的確無看見強猛的百姓，就是講話聽，你明白，言語狋哞狋嘵，你曉得的。

20

你著看錫安──咱守聖節的城！你的目睭欲看見耶路撒冷做安靜的厝宅，做無移徙的布棚，伊的杙永無拔出，伊的索攏無斷。

21

佇遐，耶和華欲顯明威嚴及咱相及佇，親像江河開闊的地；彼中間的確無有划槳的船往來，亦無有威風的船經過。

22

因為，耶和華是咱的審判司；耶和華是給咱設律法者；耶和華是咱的王；伊欲拯救咱。

23

你的帆索攏　去；船桅　在，風帆捙起來。彼時多多搶來的物互人分去；跛腳的亦搶著物。

24

徛起的百姓的確無講：我有破病；其中徛起的百姓，罪過攏赦免。