以賽亞書 第 41 章 - 台語漢字羅馬本

1
眾海嶼啊,著佇我的面前靜靜;眾百姓著得著新的氣力,攏著近前來才通來講話,咱通大家來辯論。
2
是誰對東方興起一人,用公義召伊來到伊的腳前啊?將列國交互伊,互伊管轄君王,將親像塵埃交互伊的刀,親像風吹的草仔幼交互伊的弓。
3
伊追趕,行伊所未曾行的路,安然過去。
4
是誰做此個來成伊,對起頭召歷代啊?我──耶和華!是起頭者,亦是路尾者,我就是伊。
5
海嶼看見就驚惶;地極亦愕愕惙,就近倚來。
6
逐人相幫助,對兄弟講:著壯膽!
7
木匠勉勵銀匠,用鎚拍光的勉勵拍砧的,論銲鑰的工夫講,銲了好;閣用釘釘住,互伊無搖動。
8
獨獨你──以色列是我的奴僕,雅各──是我所揀選的,我的朋友亞伯拉罕的後裔,
9
你是我對地極所帶來的,對地的角頭所召來的,閣對你講:你是我的奴僕;我揀選你,亦無棄絕你。
10
你莫得驚惶,因為我及你相及佇;莫得懾,因為我是你的上帝。我的確堅固你,我的確幫助你;我的確用我公義的正手扶持你。
11
看啊,凡若大受氣你者的確攏漏氣見誚;及你相爭者的確親像無,亦欲滅無。
12
及你相爭者,你欲尋亦尋無;及你爭戰者欲親像無物,成做空虛。
13
因為我耶和華──你的上帝欲牽你的正手,給你講:呣免驚!我欲幫助你。
14
親像 蚓的雅各及恁以色列人,釷呣免驚!耶和華講:我欲幫助你。救贖你的就是以色列的聖者。
15
看啊,我欲互你做拍五穀新的器具,利閣有齒;你欲將山嶺拍到碎碎,互山頭親像粗糠。
16
你欲簸,風欲給吹去;捲螺風欲給掃去。總是你欲因為耶和華來歡喜,因為以色列的聖者來誇口。
17
喪鄉困苦的人尋水亦尋無;因為嘴渴,舌乾。我──耶和華欲應;我──以色列的上帝的確無放拺。
18
我欲佇無草的山開江河,佇山谷中開水泉;我欲互沙漠變做水池,互乾地變做水泉。
19
我欲佇曠野栽柏香樹、皂莢樹、岡拈樹,及野橄欖樹。我佇沙漠欲將松樹、杉樹,及黃楊樹做一下栽;
20
通互人來看、來知、來想、相及明白;這是耶和華的手所做的;是以色列的聖者所創造的。
21
耶和華講:恁著提起恁的案件;雅各的人君講:恁著排列恁有證據的理由。
22
著排列伊,著互阮知將來欲怎樣,互阮知以前的事是甚麼,互阮通講究,得著知事的結局,抑是將欲來的事講互阮聽。
23
著互阮知將來的事,通互阮知恁是上帝。或是好,或是歹,恁著行伊,互阮卬愕來相及看。
24
看啊,恁屬佇無,恁的所做屬佇空虛;彼個揀選恁者是可惡。
25
我對北方興起一人,伊就來;伊對日出的所在求叫我的名者,伊欲踏掌權者,親像灰土,親像燒磁師傅踏土一樣。
26
是誰對起頭講明此個事,互阮知?是誰對起頭講明,互阮講伊無錯啊?總是無有講明;無有排列;無有聽見恁的話者。
27
我代先對錫安講:看啊,看啊,我欲將一位報好消息者賞賜耶路撒冷。
28
我看伊,無一人;中間亦無謀士佇我問的時通應一句。
29
看啊,攏是空虛,的所做是無物。所鑄的偶像攏是風,攏是空虛的。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!