以賽亞書 第 46 章 - 台語漢字羅馬本

1
彼勒屈落去,尼波仆落去;的偶像馱佇獸及精牲的頂面。恁平素所扛的今成做重擔,互厭倦的精牲載,
2
攏做一下仆落去屈落去,會顧的重擔,本身亦互人掠去。
3
雅各家,以色列家一切猶剩的著聽我的話:恁對出世就互我揹恁,對出胎就互我懷抱。
4
到恁年老,我猶原是按呢;到恁頭毛白,我猶原懷抱恁。我已經造恁,亦欲揹恁;我欲懷抱恁,亦欲救恁。
5
恁欲將是誰及我相比,及我同等,通及我比並,互阮相同啊?
6
對袋仔內傾出金,用天秤秤銀的人,雇銀匠製造神佛,亦仆落,亦跪拜。
7
就扛伊佇肩頭頂,帶去祀佇伊的所在,伊就定定徛,無離開伊的本位;人求叫伊,伊會應,亦救人脫離患難。
8
恁著數念此個事,家己做大丈夫。悖逆的人啊,著用心來想。
9
恁著追念第一古早的事。因為我是上帝,以外無別個;我是上帝,閣無別個會比得我。
10
我對起頭指明路尾的事,對古早指明猶未成的事,講:我的計劃的確徛在;見若我所歡喜的,我欲成伊。
11
我召鷹鳥對東方來,召彼個成我的計劃的人對遠遠的所在來。我已經講出,的確成伊;我已經定著,亦的確做互伊成。
12
恁諸個硬心,離開公義者,著聽我的話。
13
我互我的公義近倚,的確無離開遠遠。我的救恩的確無延延;我欲施救恩佇錫安,及我的榮光──佇以色列。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!