以賽亞書 第 58 章 - 台語漢字羅馬本

1
你著大聲喉叫,呣通限止;出大聲,親像歕哨角。對我的百姓講明的過失;對雅各的家講明罪惡。
2
日日尋我,歡喜知我的道路,親像行義的百姓,無離開的上帝的法律,求我照公義的審判,歡喜親近上帝。
3
講:阮禁食,你啥事無看見?阮刻苦阮的心,你啥事呣知啊!看啊,恁禁食的日猶久家己安樂,強迫人給恁做苦工。
4
看啊,恁禁食,是欲相爭,相冤家,用兇惡的拳頭拇拍人。恁今仔日禁食,會互恁的聲聽到頂面。
5
此款的禁食豈是我所揀、互人刻苦伊的心的日嗎?豈是互人俯頭親像蘆竹,用麻布及火灰舖佇伊的身軀下嗎?這豈通稱做禁食互耶和華所歡喜的日嗎?
6
我所揀的禁食豈呣是解開兇惡的索,解放背軛的索,互受制壓的得著自由,摃折一切的軛嗎?
7
豈呣是將你的米糧分互枵餓的人,將四界流的喪鄉人接納佇你的家,看見褪腹裼的人互伊穿,對家己的骨肉亦無閃去匿嗎?
8
按呢,你的光欲發出親像天光早的光;你的傷欲緊緊得著好。你的公義欲行佇你的頭前;耶和華的榮光欲做你後面的保護。
9
彼時你求叫,耶和華欲聽你;你懇求,伊欲講:我佇遮。你若對你中間除去重的軛,及指著人的指頭仔,以及濫糝講的話,
10
你的心若憐憫枵餓的人,互困苦的人得著滿足,你的光就欲佇黑暗中發現,你的黑暗欲變親像日中晝。
11
耶和華亦欲常常引導你,佇亢旱的地互你心滿意足,骨頭勇壯。你欲親像灌沃的園,閣親像流乾的水泉。
12
許個對你出的人欲起造久久已經荒廢的所在;你欲建立歷代毀壞的地基。你欲稱做補破隙者,及閣修理路互人徛起者。
13
你若對安息日禁止你的腳,佇我的聖日無做家己所歡喜的,稱安息日做通歡喜的,稱耶和華的聖日做通尊重的;亦閣尊敬伊,無辦家己的私事,無趁家己的私意,無講私奇話,
14
你就欲因為耶和華來歡喜。我欲互你上到地上高的所在,閣用你的祖雅各的產業養飼你。這是耶和華親嘴講的。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!