耶利米書 第 31 章 - 台語漢字羅馬本

1
耶和華講:「彼時,我欲做以色列逐房頭的上帝,欲做我的百姓。」
2
耶和華按呢講:以色列互刀無了的百姓。佇曠野得著恩典,我去互得著安息。
3
早時耶和華對我顯現,講:我用永遠的疼,疼你,因為按呢我用慈愛牽你。
4
以色列的在室女啊,我欲閣建立你,你就得著建立;你欲閣用鈴瓏鼓做妝飾,及快樂的人做陣跳舞出去;
5
你欲閣栽種葡萄園佇撒瑪利亞諸個山,栽種者欲栽種伊,來享受伊的果子。
6
因為欲有一日,以法蓮山守望的人欲叫講:起來!咱上來去錫安,到耶和華──咱的上帝遐。
7
耶和華按呢講:恁著為雅各唱歡喜的歌,為萬國中做頭的國出大聲。傳報謳咾講:耶和華啊,救你的百姓以色列所剩的人。
8
看啊,我欲導對北方來,聚集對地極來;及來者有睛暝者、跛腳者、帶娠者、欲生子者;歸大陣相及來。
9
欲啼哭來。我欲佇祈禱導,我欲佇正直跋倒的路導到河邊,因為我是以色列的父,以法蓮做我的大子。
10
列國啊,著聽耶和華的話,傳報佇遠的海嶼講:趕散以色列的欲聚集伊,閣顧守伊,親像牧者顧守伊的羊群。
11
因為耶和華已經救贖雅各,贖回伊脫離比伊卡強者的手。
12
欲到錫安高的所在唱歌,閣欲親像河水流到耶和華恩典的地,得著五穀、酒、油、羊群、牛群的細隻的的心欲親像灌沃的園;攏無閣憂苦。
13
彼時,在室女欲跳舞來歡喜;少年人、老人,亦欲相及歡喜;因為我欲互的悲哀變做歡喜,亦欲安慰,互佇憂悶了後來快樂。
14
我欲用油膩互祭司的心滿足;我的百姓亦欲因為我的恩惠滿意。這是耶和華講的。
15
耶和華按呢講:佇拉瑪聽見聲,啼哭閣大傷悲,拉結哭伊的子兒,呣願受安慰,因為伊的子無去。
16
耶和華按呢講:著禁止你的聲,莫得啼哭,禁止你的目睭,莫得流目屎,因為你做工,欲有報賞;欲對對敵的國倒來。這是耶和華講的。
17
耶和華講:你的尾境有向望;你的子兒欲倒來家己的境內。
18
我實在有聽見以法蓮家己痛恨,講:你督責我,我就受督責,我親像教未上畷的牛仔,求你互我越倒轉,我就越倒轉,因為你是我的上帝──耶和華。
19
我越倒轉以後就反悔;受教示以後就拍腳腿;我就見誚漏氣,因為我擔當少年的時的凌辱。
20
耶和華講:以法蓮是我疼的子嗎?是通歡喜的囝仔嗎?我見若責備他,猶久深深數念伊;所以我的心腸為著伊平安;我的確欲憐憫伊。
21
以色列的百姓啊,你著為家己立指路牌,豎引路柱。你著留心向大路,就是你所去的原路;你著倒來,倒來佇你諸個城。
22
悖謬的查某囝仔啊,你四界流無定著,欲到底時啊?耶和華佇地上創一項新的事,就是查某人欲保護查甫人。
23
萬軍的耶和華──以色列的上帝按呢講:「我互受掠的人倒來的時,佇猶大地及伊許個城,人欲閣用此個話講:公義的厝,聖的山啊,願耶和華賜福你。
24
猶大及許個城的人,以及作穡人,四界飼羊的人,攏欲相及徛起佇遐。
25
因為心神厭倦的人,我已經互伊滿足;心神憂悶的人,我已經互伊知足。」
26
先知講:「我睏醒想,我的睏真歡喜!」
27
耶和華講:「看啊,日子欲到,我欲互以色列家及猶大家,人及精牲攏傳種。
28
我早前怎樣專心將拔出、拆毀、捙倒、滅無、困苦,亦欲照按呢專心將建立、栽種。這是耶和華講的。
29
當許個日,人無閣講:老父食酸的葡萄,子的嘴齒酸軟。
30
逐人欲因為家己的罪來死;見若食酸的葡萄者,的嘴齒欲軟。」
31
耶和華講:「看啊,日子欲到,我欲及以色列家、猶大家立新的約,
32
呣是照我及的列祖所立的約,佇我牽的手,導出埃及地的時所立的。我雖莽做的丈夫,猶原背我的約。這是耶和華講的。」
33
耶和華講:「許個日了後,我及以色列家所欲立的約是此個:就是我欲用我的律法下佇的心內,刻佇的心。我欲做的上帝,欲做我的百姓。
34
無閣逐人教示的厝邊,及逐人的兄弟,講:『恁著識耶和華』,因為對大到細攏欲識我。因為我欲赦免的罪過,無閣記得的罪。這是耶和華講的。」
35
耶和華設太陽做日時的光,設月及星的定例,做暝時的光,搖動大海,互伊的湧嘩嘩哮,萬軍的耶和華就是伊的名。伊有按呢講:
36
諸個定例若會佇我的面前廢無,以色列的後裔才會佇我的面前絕斷,永遠成做國。這是耶和華講的。
37
耶和華按呢講:若佇頂面的天會量得,佇下面的地諸個根基會測 得,就我的確因為以色列的後裔一切的所行來棄拺伊。這是耶和華講的。
38
耶和華講:「看啊,日子欲到,此個城欲給耶和華起造,對哈楠業的樓到角頭的門。
39
量的索閣牽出去,直到迦立山,越轉到歌亞。
40
身屍及傾火灰整個的山谷,及一切的田園,直到汲淪溪,閣直到東勢馬的門的角頭,攏欲做聖歸佇耶和華,無閣拔出,無閣捙倒,直到永遠。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!