耶利米書 第 4 章 - 台語漢字羅馬本

1

耶和華講：以色列啊，你若肯倒來，就倒來我遮，若對我的面前除去你可惡的事，亦無凊彩行。

2

亦照誠實、公平、公義，指耶和華的永活來咒誓；就列國欲對伊來家己求福氣，亦欲因為伊來誇口。

3

耶和華對猶大人及耶路撒冷按呢講：著開墾恁的土地，莫得撒種佇莿帕內。

4

猶大人及耶路撒冷徛起的百姓啊，恁著給本身行割禮，歸佇耶和華，除去心內的私慾；驚了我的受氣因為恁所行的歹來發作，親像火起來，甚至無人會拍熄！

5

恁著傳佇猶大，報佇耶路撒冷講：恁著佇國內歕哨角，大聲叫講：恁著聚集！咱通進入堅固的城！

6

應該向錫安　大旗。著逃走，呣通停腳，因為我欲互災禍及大的毀壞對北方來。

7

有獅對艷的樹林中上來，毀壞列國的。伊已經起身出伊的本所在，欲互你的地拋荒，互你的城荒廢無人徛起。

8

為著按呢，恁的腰著縖麻布，大聲啼哭，因為耶和華的大受氣無對咱越倒轉。

9

耶和華講：「到彼日，君王的心，貴族的心，攏欲消滅；祭司攏欲生驚，先知攏欲卬愕。」

10

我講：「唉啊！主耶和華啊，你真正是大大欺騙此個百姓及耶路撒冷，給講：『恁欲得著平安。』其實刀劍害著的生命。」

11

彼時，欲有話對此個百姓及耶路撒冷講：「欲有熱熱的風對曠野光裸裸高的所在向我的眾百姓吹來，呣是欲簸伊，亦呣是欲互伊清氣。

12

欲有閣卡大的風為著我吹來；今我閣欲發出判詞，來攻擊。」

13

看啊，伊欲親像雲起來；伊的戰車親像捲螺風，伊的馬比鷹鳥卡緊。有災禍啊！因為咱敗無啦！

14

耶路撒冷啊，你著洗清你的心來除去歹，互你通得著救。歹念頭存佇你的心內欲到底時啊？

15

有聲對但傳報，對以法蓮山報災禍。

16

恁著傳互列國，報告攻擊耶路撒冷的代誌講：有圍困城者對遠遠的所在來，出的聲攻擊猶大諸個城。

17

周圍攻擊伊，親像顧園的人，因為伊背叛我。這是耶和華講的。

18

你的所行，你的所做，致到你有諸個事；這是你的罪惡，實在是苦，是害到你的心！

19

我的臟腑啊，我的臟腑啊，我的心痛疼！我的心佇我的內面迫腹。我會靜靜無講話，因為我已經聽見哨角的聲，交戰的喝喊。

20

人報毀壞，閣毀壞，因為全地敗壞。我的布棚忽然敗壞；我的帳帷霎仔久破裂。

21

我看見大旗，聽見哨角的聲，欲到偌久啊？

22

我的百姓愚戇，呣識我；是愚戇無聰明的子；行歹就，行好就頇顢。

23

先知講：我看地，看啊，地是空空混沌；我看天，天亦無光。

24

我看許個大山，看啊，攏振動，小山亦攏搖來搖去。

25

我閣看，看啊，攏無人；空中的飛鳥亦攏飛走。

26

我閣看伊，看啊，肥的田變做拋荒的地；一切的城佇耶和華的面前，因為伊的大受氣攏總倒壞。

27

因為耶和華按呢講：全地的確拋荒，總是我無欲毀滅到盡。

28

因為按呢，地欲憂悶，天頂也欲黑暗；我已經講伊，已經定著伊，的確無退悔，也無越轉意思呣做伊。

29

逐個城的人因為馬兵及射箭的人的嘩嘩哮，就攏逃走，進入樹林，爬上石磐頂；逐個城抵著棄拺，無人徛起。

30

你衰敗的時欲怎樣做？雖然穿朱紅的衫，用金器妝飾，用色料畫你的目睭，按呢展好看是空空！戀愛你者看輕你，續數想你的生命。

31

因為我聽見聲，親像生子的婦仁人，親像生頭上子的艱苦，就是錫安查某子的聲；伊喘大氣，展開手，講：我有災禍啊！因為我的神魂為著人的來暈去。